ԱԺ նախագահ․ ԵԽԽՎ-ն հայաստանյան ընդդիմությունը «հինգերորդ շարասյուն» է համարում
Եվրոպայի Խորհուրդ12:33 | հոկտեմբերի 30, 2026ԱԺ նախագահ․ ԵԽԽՎ-ն հայաստանյան ընդդիմությունը «հինգերորդ շարասյուն» է համարում
լսել հոդվածըԿիսվել
նախընտրելի դարձնել
<!—>]—>
Ազգային ժողովի նախագահ Ռուբեն Ռուբինյանը շարունակում է «Ուժեղ Հայաստան» ընդդիմադիր խմբակցությանը մեղադրել ԱԺ նիստերի դահլիճում երեկվա ծեծկռտուքը հրահրելու մեջ։
Հոկտեմբերի 30-ին լրագրողների հետ զրույցում Ռուբինյանը հայտնել է, որ ընդդիմադիր գործընկերների հետ միջադեպը չի քննարկել, բայց հույս ունի, որ նրանք «հետևություններ են արել»։ «Մենք չենք սկսել։ Ընդդիմությունը խոսում է սադրանքի մասին։ Ամեն ինչ տեսագրված է, փաստերը հակառակն են վկայում։ Ոչ ոք (իշխանական պատգամավորներից) չի հայհոյել, ես ուսումնասիրել եմ կադրերը։ Այսինքն՝ ոչինչ չեն արել, մոտեցել է ու հարվածել։ Պատկերացրեք՝ այդպես էլ է լինում։ Իսկ դուք չտեսա՞ք, թե ինչպես էր մինչ այդ հանգիստ ելույթ ունենում, սկսեցին տեղերից վեր թռչել, մոտենալ, որ հարվածեն», — իր ձևով վերապատմել է իրադարձությունները Ռուբինյանը։ Նա վստահեցրել է, որ Փաշինյանից անձնական շնորհակալություն չի ստացել։
Մեկնաբանելով միջազգային լրատվամիջոցներում միջադեպի լայն լուսաբանումը՝ Ռուբինյանը նկատել է, որ «իհարկե, լավ չէ, բայց պատասխանատուն ընդդիմությունն է»։ «Հույս ունեմ՝ չեն կրկնի։ Բայց, ճիշտն ասած, եթե նորից սկսեն, արդյունքը նույնն է լինելու։ Իմ վերլուծությունն ու փորձը ցույց են տալիս, որ երբ ընդդիմությունը ֆիզիկական բախում է սկսում, դա հանգեցնում է ընդհարման, որը նրան ամենևին էլ լավ դրության մեջ չի դնում։ Եթե չկրկնեն, ամեն ինչ լավ կլինի, հակառակ դեպքում կլինի այնպես, ինչպես երեկ», — խոստացել է Ռուբինյանը։
Խոսելով ընդդիմության բարձրացրած՝ «Թրամփի ուղի» նախագծին և նոր սահմանադրությանը վերաբերող հարցերի մասին՝ Ռուբինյանը դրանք լեգիտիմ է անվանել և նկատել, որ տրամաբանական կլինի դրանց պատասխանները ստանալ բոլորից (հարցը վերաբերում էր նաև Ադրբեջանին), քանի որ դրանից են կախված զարգացման սցենարները։
Ընդդիմադիր ընտրողների կարծիքը հաշվի առնելու համատեքստում Ռուբինյանը կտրականապես հայտարարել է, որ ընդդիմադիր ուժերի ընտրողները քվեարկել են 3 պատճառով՝ նրանց գումար են բաժանել, վախեցրել են 300 հազար ադրբեջանցու ժամանմամբ և խոստացել, որ վարչապետ կդառնա Սամվել Կարապետյանը։
«Հիմնարար հարցն այն է, որ չխոչընդոտեն սահմանադրության տեքստը ժողովրդի դատին հանձնելուն։ Թող ժողովուրդը որոշի։ Եթե վստահ են, որ տեքստը վատն է, թող ժողովուրդը որոշի։ Թե՛ սահմանադրության, թե՛ հետագա քաղաքական իրադարձությունների հարցում», — նշել է Ռուբինյանը։
Այն դիտարկմանը, թե հանրաքվեի ժամանակ էլ իշխանությունները կարող են կիրառել փորձված միջոցները՝ վարչական ռեսուրս, ձայների գողություն և այլն, Ռուբինյանը պատասխանել է, որ ընդդիմությունն է կաշառք բաժանել, և ընդհանրապես «Ուժեղ Հայաստանը» ՀՀԿ-ի մնացուկն է․ այնտեղ կա՛մ այդ կուսակցության նախկին անդամներն են, կա՛մ դրա հետ կապված անձինք։ Նրա խոսքով՝ ապացուցված է, որ «ՔՊ»-ն արդար ընտրություններ է կազմակերպում, ինչի մասին սևով սպիտակի վրա գրված է ԵԽԽՎ զեկույցում։ Ռուբինյանը հիշեցրել է զեկույցում նշված տնտեսական սահմանափակումները, որոնց նպատակը մարդկանց որոշակի ձևով քվեարկելուն ուղղորդելն է։ «Այսինքն՝ ԵԽԽՎ զեկույցն ուղղակիորեն ասում է, որ Հայաստանի ընդդիմությունը հինգերորդ շարասյուն է», — հայտարարել է Ռուբինյանը՝ հավելելով՝ «կամ ազդեցության գործակալներ»։
<!—>
Հասանելի է
[—>русский
Պատմություն
Թեմա
Անձ
Կազմակերպություն
Աղբյուրը՝ NEWS.am
