Բժիշկը զգուշացրել է բնակարանում երկար կանգուն թողնված տոնածառի վտանգների մասին

Բնակարանում երկար կանգուն թողնված տոնածառը կարող է վտանգավոր լինել ալերգիա ունեցող մարդկանց համար, ասել է բժիշկ Վերա Սերեժինան։

Նա ընդգծել է, որ ինչպես բնական, այնպես էլ արհեստական ​​ծառերը կարող են վտանգավոր լինել։

«Կտրված ծառը այլևս կենդանի օրգանիզմ չէ ու ժամանակի ընթացքում դառնում է ավելորդ միկրոֆլորայի աղբյուր։ Այն սկսում է քայքայվել՝ ակտիվորեն ներգրավելով սնկեր ու մանրէներ», – «Լենտա»-ի հետ զրույցում զգուշացրել է բժիշկը։

Մասնագետի խոսքով՝ սա կարող է հատկապես կարևոր լինել շնչառական ալերգիա ունեցող մարդկանց համար։ Սերեժինը խորհուրդ է տվել կտրված ծառի բնակարանում մնալու ժամանակը սահմանափակել մեկից երկու շաբաթով։

Նա նշել է, որ արհեստական ​​ծառերը պետք է լվանալ օգտագործելուց առաջ ու հետո, քանի որ դրանք փոշի են կուտակում։ Եթե ​​սենյակում, որտեղ տեղադրված է ծառը, տոթ է լինում, և առաջանում են քթի խցանում, խռպոտություն և արցունքոտ աչքեր, սրանք փոշու և բորբոսի նկատմամբ հնարավոր ալերգիայի նշաններ են։