ԱԳ փոխնախարարը և Լիբանանի դեսպանը մտքեր են փոխանակել տարածաշրջանային զարգացումների վերաբերյալ

Նոյեմբերի 21-ին ՀՀ ԱԳ նախարարի տեղակալ Վահան Կոստանյանն ընդունել է Հայաստանի Հանրապետությունում Լիբանանի Հանրապետության նորանշանակ դեսպան Դիմա Հադդադին՝ հավատարմագրերի պատճենի հանձնման կապակցությամբ։

Հավատարմագրերի պատճենի հանձնմանը հաջորդած քննարկման ընթացքում Վահան Կոստանյանը շնորհավորել է Լիբանանի դեսպանին պաշտոնը ստանձնելու կապակցությամբ:

Զրուցակիցներն անդրադարձ են կատարել Հայաստանի և Լիբանանի միջև առկա քաղաքական երկխոսության բարձր մակարդակին և երկու ժողովուրդների դարավոր բարեկամությանը՝ կարևորելով երկկողմ համագործակցության ամրապնդումն ընդհանուր հետաքրքրություն ներկայացնող բոլոր ոլորտներում:

Կողմերը մտքեր են փոխանակել նաև տարածաշրջանային զարգացումների վերաբերյալ։