Գերմանիայում որոշել են զանգվածաբար ազատվել բնակարաններից

Civey ընկերության անցկացրած հարցման համաձայն՝ Գերմանիայում ժառանգների ավելի քան մեկ երրորդը պատրաստ կլինի վաճառել իր ունեցվածքը կամ այն վարձակալության հանձնել: Նման իրավիճակը կապված է կորոնավիրուսի համաճարակի պատճառով վարձավճարի աճի հետ, գրում է Der Spiegel-ը։

Գերմանական Civey ընկերությունը՝ կորոնավիրուսի պատճառով ճգնաժամի ֆոնին, սոցիոլոգիական հարցում է անցկացրել, որին մասնակցել է 18-49 տարեկան շուրջ 1,5 հազար մարդ: Ըստ արդյունքների, հարցվածների ավելի քան մեկ երրորդը կվաճառի ծնողների անշարժ գույքը՝ ժառանգությանն անդամակցելու դեպքում (34 տոկոս), իսկ մյուսները՝ այն կհանձնեն վարձակալության (28 տոկոս): Հարցման բոլոր մասնակիցներից միայն մեկ հինգերորդ մասն է պատրաստ տեղափոխվել նոր տուն, իսկ յուրաքանչյուր տասներորդ մարդը ցանկանում է տատիկների ու պապիկների ունեցվածքը թողնել իր երեխաների համար:

Civey հարցում է անցկացրել նաև պոտենցիալ ժառանգատուների շրջանում: Նրանց գրեթե մեկ քառորդը խոստովանել է, որ մի քիչ հիասթափված է նման հարցման արդյունքներից, բայց հասկանում են, թե ինչու են իրենց երեխաները ընտրել տան վաճառքի կամ վարձակալման հանձնելու տարբերակը: Սակայն մոտ յոթ տոկոսը իրենց անշարժ գույքի հնարավոր վաճառքը համարում են«էգոիստական լուծում»:

Ոչ բոլոր երկրների անշարժ գույքի շուկայում են սկսվել ծանր ժամանակներ: Այնպես, Ֆրանսիայում գնորդների կտրուկ ներհոսք կա: Ընդ որում, նրանց բացարձակ մեծամասնությունը՝ 60 տոկոսը, կազմում են ֆրանսիացիները, ինչպես նաեւ հարեւան երկրների քաղաքացիները: Գնորդների առաջին ալիքը բաղկացած էր Մոնակոյի բնակիչներից, որոնք փնտրում էին ընդարձակ «ապաստաններ»։ Երկրորդ ալիքը բաղկացած է փարիզեցիներից և ֆրանսիական այլ մեգապոլիսների բնակիչներից։