Բաժին : Պատահարներ
Խոշոր ավտովթար-հրդեհ Գյումրիում. 29-ամյա վարորդը Mercedes-ով բախվել է էլեկտրասյանը. ավտոմեքենայում հրդեհ է բռնկվել. կան վիրավորներ
Այսօր՝ հունվարի 13-ին, խոշոր ավոտվթար-հրդեհ է տեղի ունեցել Շիրակի մարզում: Ժամը 02:15-ի սահմաններում Գյումրիի բնակիչ, 29-ամյա Արթուր Ղարիբյանը Շիրակացի փողոցի 5 հասցեի դիմաց իր վարած Mercedes V230 մակնիշի 36 PD 144 համարանիշի ավտոմեքենայով, դեռևս անհայտ հանգամանքներում, դուրս է եկել ճանապարհի երթևեկելի գոտուց և բախվել էլեկտրասյանը:
Ինչպես հայտնում է shamshyan.com-ը, վթարի հետևանքով վարորդ Ա. Ղարիբյանն ու նրա ուղևոր, Գյումրիի բնակիչ, 29-ամյա Ա. Մ.-ն մարմնական վնասվածքներով տեղափոխվել են Գյումրու բժշկական կենտրոն:
Դեպքի վայր են ժամանել ճանապարհային ոստիկանության 2-րդ սպայական գումարտակի 2-րդ վաշտի 3-րդ դասակի ծառայողները՝ վաշտի հրամանատար Վաչե Մալաքյանի, դասակի հրամանատար Լյուդվիգ Ղանդիլյանի գլխավորությամբ:
Տեղում հետաքննչական աշխատանքները ղեկավարել է նույն վաշտի ավագ հետաքննիչ Նաիրի Գասպարյանը, ում կողմից փաստի առթիվ նյութեր են նախապատրաստվում:
Ֆոտոլրագրողը հայտնում է, որ բախման հետևանքով ավտոմեքենայում հրդեհ է բռնկվել և այն դարձել է ոչ շահագործվելի:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
