Բաժին : Հայաստան/Արցախ
Արցախ գալիս մի շատ ջերմ միջադեպ տեղի ունեցավ ճանապարհին
ՀՀ վարչապետ Նիկոլ Փաշինյանը ֆեյսբուքյան իր էջում Արցախի ճանապարհին իր հետ այսօր տեղի ունեցած մի հաճելի դեպքի մասին է պատմել։ Վարչապետի գրառումն ամբողջությամբ ներկայացնում ենք ստորեւ․
«Այսօր մեր Արցախ գալիս մի շատ ջերմ միջադեպ տեղի ունեցավ ճանապարհին:
Հաթերք գյուղի մերձակայքում ճամփեզրին դեռ հեռվից մի մարդ նկատեցի, որը ձեռքին ինչ-որ բան պահած՝ ակնհայտ սպասում էր իմ մեքենայի մոտենալուն:
Չթաքցնեմ՝ մի պահ նույնիսկ լարվեցի. Արփին ինձ հետ էր մեքենայում ու նստած էր հենց այն կողմում, որ ճամփեզրի մարդն էր կանգնած:Ու երբ մոտեցանք, անսպասելի բան տեղի ունեցավ.
մարդը ջուր լցրեց իմ ավտոմեքենայի ետեւից...
Ցավդ տանեմ, եղբայր. ես ո՞նց կարող եմ քեզ հուսախաբ անել: Մենք ո՞նց կարողենք իրար հուսախաբ անել: Տարբերակ չկա»,- գրել է վարչապետը։
