Բաժին : Քաղաքականություն
Չասե՞նք՝ էս ինչ եք անում. Արծվիկ Մինասյան
Այսօր ՀՅԴ ոլորտային մասնագիտական հանձնախմբերի համակարգող Արծվիկ Մինասյանը լիագրողների հետ հանդիպման ընթացքում նշեց' մեր օրերում նրանք, ովքեր այլընտրանքային տեսակետներ են արտահայտում, դիտարկվում են որպես թշնամի: Ասվածը վերաբերում է նաև նրան, որ սվիններով է ընդունվում այն, երբ քննադատություններ են հնչում սուպերվարչապետական համակարգի մասին: «Ասում ենք` այդ նույն սուպերվարչապետական համակարգի դեմ անընդհատ խոսողները այսօր դարձել են սուպերվարչապետությունը պահող, գրկող, պաշտպանող ուժեր. չասե՞նք՝ էս ինչ եք անում», - ասաց Ա. Մինասյանը` հավելելով` բոլորը պետք է հարգեն Սահմանադրությունը: «Ինչպես է ստացվել, որ այսօր առնվազն հինգ նախարարության հետ կապված` տեղի է ունեցել Սահմանադրության կոպիտ խախտում: Վարչապետն իրավունք չուներ չներկայացնելու նախարարի թեկնածուներ: Ոչ մի օրենք նրան այսպիսի իրավասություն չի տալիս նրան: Երկրի վարչապետը` որպես բարձագույն պաշտոնատար անձ, ենթակա է Սահմանադրության 6-րդ հոդվածով նախատեսված պահանջի կատարմանը»- ասաց բանախոսը` իշխող քաղաքական ուժին խորհուրդ տալով, որ «Իմ քայլը» խմբակցության իրավաբանները, այդ թվում՝ Նիկոլայ Բաղդասարյանն ուսումնասիրեն այս խնդիրը: «Սահմանադրությունից թող ցույց տան օրենքի որևէ նորմ, որը Սահմանադրության մակարդակով, օրենքով կլիազորի վարչապետին չներկայացնել նախարարի թեկնածու», - ասաց Արծվիկ Մինասյանը։ Նա նշեց` Ազգային ժողովն ընդունել է 36 օրենսդրական փաթեթ, որոնցից 5-ն է վերաբերում օրենքներին, ընդ որում` վերաբերում են օրենքների մեջ փոփոխություններին, ոչ թե մայր օրենքին։ Որևէ մեկի մոտ հարց չի՞ առաջանում՝ օրենսդիր մարմին ենք, էս օրենսդիր մարմինը գործառույթ չունի՞ էս երկրում»,- եզրափակեց բանախոսը:
