Բաժին : Մամուլի տեսություն
«Ժողովուրդ». ՀՀ ԿԱ պետական գույքի կառավարման վարչությունը դատական հայց է ներկայացրել Կոմկուսի դեմ
«ՀՀ ԿԱ պետական գույքի կառավարման վարչությունը, որ ոչ վաղ անցյալում գլխավորում էր ՀՀԿ-ական Արման Սահակյանը, դատի է տվել Հայաստանի Կոմունիստական կուսակցությանը: «Ժողովուրդ» օրաթերթին հայտնի դարձավ, որ վարչությունը Երևան քաղաքի դատարան է դիմել հունիսի 6-ին և կուսակցությունից պահանջում է գումար բռնագանձել՝ 10 միլիոն 407 հազար 500 դրամի չափով:
Հավանաբար, խոսքը Կոմկուսի՝ Զաքյան փողոցում զբաղեցրած տարածքի վարձակալության գումարի մասին է: Այս գործով կքննի դատավոր Նաիրա Հովսեփյանը: Մինչ այդ, հիշեցնենք, որ Ա. Սահակյանը Ն. Փաշինյանի՝ վարչապետ դառնալուց հետո հրաժարական ներկայացրեց: Այդ պաշտոնը դեռ թափուր է, քանի որ Փաշինյանը նոր նշանակում չի արել:
Բայց դժվար չէ ենթադրել, որ Կոմկուսի դեմ հայցը կազմվել է դեռ Արման Սահակյանի ղեկավարման օրերին, պարզապես այն միայն վերջերս է դատարան մուտքագրվել»,-գրում է թերթը:
Նյութն ամբողջությամբ կարդացեք թերթի այսօրվա համարում: