ԱՄՆ-ը չի մասնակցի ՌԴ նախագահ Վլադիմիր Պուտինի երդմնակալության արարողությանը․ Միլլեր

ԱՄՆ-ը չի մասնակցի ՌԴ նախագահ Վլադիմիր Պուտինի երդմնակալության արարողությանը։

Այս մասին հայտարարել է ԱՄՆ Պետդեպարտամենտի մամուլի ծառայության ղեկավար Մեթյու Միլլերը։

Փոխանցում է ՏԱՍՍ-ը։

«Ոչ, մենք նրա երդմնակալությանը ներկայացուցիչ չենք ունենա»,- ասաց նա։ Սակայն նա հրաժարվեց պատասխանել այն հարցին, թե «արդյո՞ք Միացյալ Նահանգները կբոյկոտի երդմնակալությունը»։

Մինչդեռ ավելի վաղ ՌԴ նախագահի օգնական Յուրի Ուշակովն ընդգծել էր, որ Մոսկվայում հավատարմագրված բոլոր դիվանագիտական ներկայացուցչությունների ղեկավարները հրավիրվել են մայիսի 7-ին կայանալիք ՌԴ նախագահի երդմնակալությանը։