Բաժին : Աշխարհ/Տարածաշրջան
ԱՄՆ ֆիննախը պատժամիջոցներ է սահմանել ադրբեջանցի գործարարի դեմ
ԱՄՆ ֆինանսների նախարարությունն իր կայքում հայտարարել է Ռուսաստանին օգնելու համար երրորդ երկրների քաղաքացիների նկատմամբ պատժամիջոցներ սահմանելու մասին։ Ըստ գերատեսչության կայքի՝ ցուցակում ընդգրկված է ադրբեջանցի գործարար Եվգենի Ալիևը։
ԱՄՆ ֆիննախն Ալիևին անվանում է գնումների գործակալ, որը համակարգում է միջնորդների ցանցը, որը պատվերներ է տալիս ռուսաստանցի վերջնական օգտատերերի անունից, որոնք, իրենց հերթին, սերտ կապեր ունեն ռուս զինվորականների հետ, գրում են տեղի լրատվամիջոցները:
Ալիևի մատակարարման ցանցը ներառում է Lahic Energy ՍՊԸ-ն, GMM FZE-ն և GMM Management-ը։ Lahic Energy-ն ադրբեջանական ձեռնարկություն է, որը 2023 թվականին բիզնես է վարել ամերիկյան պատժամիջոցների ներքո գտնվող ռուսական տեխնոլոգիաներ արտադրողների անունից։
ԱՄՆ ֆինանսների նախարարությունը պատժամիջոցներ է կիրառել նաև Թուրքիայում գրանցված 17 ընկերության նկատմամբ: