Թրամփը երկարաձգել է ԱՄՆ-ի ներսում նավթ փոխադրելու՝ օտարերկրյա նավերին տրված թույլտվությունը. Bloomberg
Դոնալդ Թրամփ23:49 | նոյեմբերի 13, 2026Թրամփը երկարաձգել է ԱՄՆ-ի ներսում նավթ փոխադրելու՝ օտարերկրյա նավերին տրված թույլտվությունը. Bloomberg
լսել հոդվածըԿիսվել
նախընտրելի դարձնել
<!—>]—>
ԱՄՆ նախագահ Դոնալդ Թրամփը որոշել է 90 օրով երկարաձգել Ջոնսի օրենքից բացառության գործողությունը, որը էներգետիկ ընկերություններին և առևտրականներին թույլ է տալիս օտարերկրյա դրոշներով նավերով նավթ, վառելիք և պարարտանյութեր փոխադրել ամերիկյան նավահանգիստների միջև։ Դրա մասին հայտնում է Bloomberg գործակալությունը՝ վկայակոչելով Սպիտակ տան ներկայացուցչին։
«Թրամփը որոշել է 90 օրով երկարաձգել հարյուրամյա Ջոնսի օրենքից բացառության գործողությունը։ Հակառակ դեպքում այդ օրենքը պահանջում է, որ ԱՄՆ նավահանգիստների միջև բեռները փոխադրվեն բացառապես ամերիկացի սեփականատերերին պատկանող, ԱՄՆ դրոշի ներքո նավարկող և ամերիկյան օպերատորների շահագործող նավերով»,- գրում է գործակալությունը։
Bloomberg-ի տվյալներով՝ Թրամփի նոր կարգադրությունն ուժի մեջ կմտնի երկուշաբթի օրվա սկզբին՝ կեսգիշերին, Վաշինգտոնի ժամանակով՝ նախորդ մեղմացման ժամկետի ավարտից երկու օր առաջ, ինչը հնարավորություն կտա խուսափել դրա գործողության ընդհատումից։
Ինչպես նշում է գործակալությունը, բացառությունը տարածվում է բենզինի, ավիավառելիքի, հում նավթի, նաֆթայի, հեղուկացված բնական գազի, սոյայի յուղի և պարարտանյութերի փոխադրման վրա։ Ընդ որում, Թրամփը չի ընդլայնել մեղմացման շրջանակը և պահպանել է օգոստոսին սահմանված սահմանափակումները. նման բեռներով յուրաքանչյուր առանձին նավերթից առաջ ԱՄՆ իշխանությունները պետք է ստուգեն՝ արդյոք առկա՞ են ազատ ամերիկյան նավեր։
Սպիտակ տունն առաջին անգամ օտարերկրյա նավերի համար 60-օրյա արտոնություններ էր սահմանել մարտի 17-ին՝ փետրվարի վերջին Իրանի դեմ ԱՄՆ-ի և Իսրայելի սկսած «Էպիկական ցասում» ռազմական գործողության ֆոնին։ Միջոցառման նպատակն էր թույլ չտալ վառելիքի շուկայում մատակարարումների խափանումներ՝ Հորմուզի նեղուցում նավագնացության փաստացի դադարեցումից հետո։
Հասանելի է
Անձ
Թեմա
ՏնտեսությունՆավթՆավագնացություն
Տեղադրություն
Աղբյուրը՝ NEWS.am
