Սիցիլիայի Կատանիա քաղաքի օդանավակայանը դադարեցրել է չվերթների ընդունումը՝ Էտնայի ժայթքման պատճառով

Իտալական Սիցիլիա կղզու Կատանիա քաղաքի օդանավակայանը դադարեցրել է ժամանող չվերթների ընդունումը՝ Էտնա հրաբխի ակտիվ ժայթքման պատճառով։

Օդանավակայանի օպերատոր ընկերությունը հայտարարել է, որ Էտնայից տարածվող հրաբխային մոխրի ամպի պատճառով օդային տարածքի փակման հետևանքով Կատանիայի օդանավակայանը չի ընդունի ժամանող ինքնաթիռներ առնվազն մինչև օգոստոսի 7-ի ժամը 21:00-ը։

Միևնույն ժամանակ, Կատանիայից թռիչքները դեռևս հնարավոր են։

Ավելի վաղ Էտնայի ակտիվությունը մշտադիտարկող INGV կազմակերպությունը ավիացիոն վտանգի մակարդակը բարձրացրել էր «նարնջագույնից» մինչև ամենաբարձր՝ «կարմիր» մակարդակ։

Աղբյուր՝ 24News.am