Ռուսական ռшզմաբազայի ներկայության հետ կապված որևէ ծրագիր չունենք, մտահոգություններ էլ չունենք․ Փաշինյան
Մինչև 2024 թվականը սահմանային անցակետերի մեծ մասը գտնվում էին Ռուսաստանի հսկողության ներքո կամ կար ռուս սահմանապահների ներկայությունը, օրինակ մեր միջազգային օդանվակայանում, սակայն ներկայում Հայաստանի Հանրապետության բոլոր սահմանային անցակետերը վերահսկվում են ՀՀ սահմանապահների կողմից։
Այս մասին Լեհաստանում օտարերկրյա դեսպանների, դիվանագետների և վերլուծական կենտրոնների ներկայացուցիչների հետ հանդիպմանն ասել է ՀՀ վարչապետ Նիկոլ Փաշինյանը՝ պատասխանելով Հայաստանում ռուսական ռազմական ներկայության վերաբերյալ հարցին:
«Բնականաբար մենք շնորհակալ ենք ՌԴ-ին այնտեղ ներկայության համար, որպես նորանկախ պետություն 90-ականների սկզբին մենք կարողություն չունեիքն այդ տեսակի ծառայություն մատուցելու, բայց մենք ներկայում կարող ենք և զարգացնում ենք մեր կարողությունները։
Ինչ վերաբերում է ռուսական ռազմաբազային, մենք որևէ պլան, ծրագրեր չունենք, մտահոգություններ էլ չունենք կապված ռուսական ռազմաբազայի ներկայության հետ»,- ասել է վարչապետը՝ նշելով, որ Հայաստանը սերտ գործընկեր է Ռուսաստանի հետ։
