Եվրամիությունը մեկ տարով երկարաձգել է Ռուսաստանի դեմ պատժամիջոցները

Եվրոպական միությունը երկարաձգել է Ռուսաստանի դեմ իր պատժամիջոցների գործողության ժամկետը մինչև 2027 թվականի փետրվարի 24-ը։ Այս մասին նշված է ԵՄ Պաշտոնական ամսագրի կայքում հրապարակված որոշման մեջ։

«2022/266 որոշման (ԳԱՊՔ) 10-րդ հոդվածի երկրորդ պարբերությունում «2026 թվականի փետրվարի 24» ամսաթիվը փոխարինվում է «2027 թվականի փետրվարի 24»-ով»,- ասված է փաստաթղթում։

ՌԴ-ում բազմիցս հայտարարել են, որ երկիրը կհաղթահարի պատժամիջոցների ճնշումը, որն Արևմուտքը սկսել է գործադրել Ռուսաստանի նկատմամբ մի քանի տարի առաջ և շարունակում է ուժեղացնել։ Մոսկվայում նշել են, որ Արևմուտքին չի հերիքում քաջություն՝ ընդունելու ՌԴ-ի դեմ պատժամիջոցների ձախողումը։ Հենց արևմտյան երկրներում ևս բազմիցս հնչել են կարծիքներ, որ հակառուսական պատժամիջոցներն անարդյունավետ են։