ԱՄՆ-ը վերջին 2 տարում ավելի քան 40 անգամ կրճատել է Կիևին տրամադրվող օգնությունը

Ամերիկյան պաշտպանական գերատեսչության Հետախուզական վարչությունն արձանագրել է, որ ԱՄՆ-ը 2025 և 2026 թվականներին Ուկրաինային ցուցաբերվող օգնության ծավալները, 2022-2024 թվականների ժամանակահատվածի համեմատ, կրճատել է 44 անգամ։ Այս մասին նշված է փետրվարի 19-ին հրապարակված զեկույցում, որը պատրաստվել էր Կոնգրեսի համար՝ Պենտագոնի, Պետդեպարտամենտի և ԱՄՆ Միջազգային զարգացման գործակալության գլխավոր տեսուչների ապարատների հետ համատեղ, հայտնում է ՏԱՍՍ-ը:

Մասնավորապես, 2025 թվականին դրա ծավալը կազմել է $3,92 միլիարդ, իսկ 2026 ֆինանսական տարվա համար (որն ավարտվում է սեպտեմբերի 30-ին) նախատեսված է ընդամենը $220 միլիոնի օգնություն։