ԱՄՆ-ն Ռուսաստանի հետ քննարկել է միջուկային էներգիայով աշխատող տվյալների կենտրոն ստեղծելու գաղափարը
ԱՄՆ-ն Ռուսաստանի հետ քննարկել է միջուկային էներգիայով աշխատող տվյալների կենտրոն ստեղծելու գաղափարը, այս մասին հաղորդում է The Economist-ը։
Զրույցների ընթացքում նաև քննարկվել է Բերինգի նեղուցի տակ թունելի կառուցման հարցը։ Այս նեղուցը բաժանում է Ասիան և Հյուսիսային Ամերիկան։
Երկու կողմերն էլ, ենթադրաբար, կշահեին հնարավոր գործարքներից։
The Economist-ի փոխանցմամբ՝ ԱՄՆ նախագահ Դոնալդ Թրամփի ընտանիքին մոտ կանգնած անձինք բանակցություններ են վարում ռուսական էներգետիկ նախագծերում մասնակցության շուրջ։ Հրատարակությունը չի նշում, թե կոնկրետ ովքեր են ներգրավված։ Ավելին, քննարկվում են Արկտիկայում հազվագյուտ մետաղների, նավթի և գազի հետ կապված հնարավոր գործարքներ։
