Դավոսում ուկրաինական պատվիրակությունը հանդիպել է Ուիթկոֆի և Քուշների հետ․ քննարկել են անվտանգության երաշխիքները
Ուկրաինայի ազգային անվտանգության և պաշտպանության խորհրդի քարտուղար Ռուստեմ Ումերովը հայտարարել է, որ Դավոսում հանդիպում է տեղի ունեցել ԱՄՆ նախագահի հատուկ բանագնաց Սթիվ Ուիթկոֆի և ԱՄՆ նախագահի փեսա Ջարեդ Քուշների հետ, քննարկել են անվտանգության երաշխիքները:
«Աշխատում ենք Դավոսում։ Առանձին հանդիպում է տեղի ունեցել ամերիկացի գործընկերների՝ Ջարեդ Քուշների և Սթիվ Ուիթկոֆի հետ։
Հիմնական թեմաներն են եղել տնտեսական զարգացումը, պատերազմից հետո վերականգնումը և անվտանգության երաշխիքները։
Մենք գործընկերներին տեղեկացրել ենք ռուսական քաղաքացիական ենթակառուցվածքների նոր գնդակոծությունների մասին, մասնավորապես՝ Կիևում տիրող իրավիճակի մասին, որտեղ հարվածների պատճառով միլիոնավոր մարդիկ մնացել են առանց լույսի և ջերմության»,-գրել է Ումերովը Telegram-ի իր ալիքում։
Համաշխարհային տնտեսական համաժողովն անցկացվում է շվեյցարական Դավոսում հունվարի 19-23-ը:
