Իսրայելը և Բոլիվիան վերականգնել են դիվանագիտական հարաբերությունները

Բոլիվիայի կառավարությունը հայտարարել է Իսրայելի հետ դիվանագիտական ​​հարաբերությունների վերականգնման մասին, որոնք խզվել էին 2023 թվականին՝ Գազայի վրա Իսրայելի հարձակումից հետո, հաղորդել է Anadolu-ն։

Համաձայնագիրը Վաշինգտոնում ստորագրել են երկու երկրների արտգործնախարարներ Գիդեոն Սաարը և Ֆեռնանդո Արամայոն։

«Այսօր մենք վերջ ենք դնում երկու եղբայրական երկրների միջև հարաբերություններում երկարատև և ավելորդ ժամանակահատվածին», – ասել է Իսրայելի արտգործնախարար Գիդեոն Սաարը։

Արամայոն, իր հերթին, ընդգծել է, որ Բոլիվիայի նոր կառավարությունը գիտակցում է երկրի առջև ծառացած մարտահրավերները և դրանք հաղթահարելու համար անհրաժեշտ են ճիշտ ընկերներ։

Իսրայելի և Բոլիվիայի միջև դիվանագիտական ​​հարաբերությունները կասեցվել էին 2009 թվականին՝ Գազայում Իսրայելի կողմից իրականացված լայնածավալ ռազմական գործողության ժամանակ։

Այն ժամանակվա նախագահ Էվո Մորալեսն Իսրայելի գործողությունները որակել էր «ցեղասպանություն» և որոշել է խզել հարաբերությունները։

Հարձակումների դեմ բողոքի նշանով՝ Մորալեսը նաև չեղյալ հայտարարեց երկու երկրների միջև վաղուց գործող անվիզա ռեժիմի մասին համաձայնագիրը։