Ալեն Սիմոնյանը հոկտեմբերի 21-ին կհանդիպի Սահիբա Գաֆարովայի հետ
ՀՀ ԱԺ նախագահ Ալեն Սիմոնյանը աշխատանքային այցով մեկնում է Ժնև։ Նա հոկտեմբերի 21–ին Ժնևում կհանդիպի Ադրբեջանի Միլի մեջլիսի նախագահ Սահիբա Գաֆարովային։ Այս մասին Սիմոնյանը հայտնել է իր տելեգրամյան ալիքում։
«Տիկին Գաֆարովայի հետ վաղուց չենք հանդիպել, կարծում եմ՝ ստեղծված իրավիճակում հանդիպումը շատ կարևոր է։ Հուսամ հանդիպումը լավ կանցնի»,– ասել է Սիմոնյանը օդանավակայանից հրապարակված տեսանյութում։
