Ֆիլիպինների ափերի մոտ 6.1 մագնիտուդով երկրաշարժ է գրանցվել

Ֆիլիպինների ափերի մոտ 6.1 մագնիտուդով երկրաշարժ է գրանցվել. ցունամիի սպառնալիք չի հայտարարվել։ Այս մասին հայտնել է Եվրոպական միջերկրածովյան սեյսմոլոգիական կենտրոնը։

Երկրաշարժի էպիկենտրոնը գտնվել է մոտ 679,000 բնակչություն ունեցող Գեներալ Սանտոս քաղաքից (Մինդանաո կղզի) 138 կմ արևելք։

Երկրաշարժը գրանցվել է 102 կմ խորության վրա։ Զոհերի կամ ավերածությունների մասին տեղեկություններ չեն հաղորդվում։