ՀՀ քննչական կոմիտեի հատկապես կարևոր գործերի քննության գլխավոր վարչությունում ՀՀ ՆԳՆ-ից ստացված առերևույթ հանցանքի վերաբերյալ հաղորդման առթիվ նախաձեռնված քրեական վարույթի նախաքննության շրջանակում ՀՀ ՆԳՆ ոստիկանության հետ համատեղ իրականացված միջոցառումների արդյունքում պարզվել է, որ «Ուժեղ Հայաստան»-ի աջակից Ա.Ա.-ն 2025 թվականի սեպտեմբերի 9-ից հանդիսանալով «Մեր ձևով ազգային արժեքների պահպանություն» ՀԿ-ի հիմնադիր և գործադիր մարմնի ղեկավար, Ս.Կ.-ի աջակիցների, «Մեր ձևով» ՀԿ-ի և «Ուժեղ Հայաստան» կուսակցության կողմից 2025 թվականի սեպտեմբերից մինչև 2026 թվականի մայիսն ընկած ժամանակահատվածում ՀՀ-ում կազմակերպած ցույցերին և հավաքներին մասնակցելու, այլ կերպ՝ հավաքի մասնակիցներ հավաքագրելու իրական նպատակով՝ ՀՀ տարբեր վայրերում գործող «Մեր ձևով» ՀԿ-ի գրասենյակներում ձևականորեն, քողարկելով իր իրական մտադրությունը, քաղաքացիաիրավական, այդ թվում՝ ծառայությունների մատուցման պայմանագրերի հիման վրա տարբեր ժամանակահատվածներով աշխատանքի է ընդունել շուրջ 1400 քաղաքացու, որոնցից ավելի քան 400-ը համատեղությամբ աշխատել են նաև այլ ընկերություններում:

Նախաքննության ընթացքում պարզվել է, որ 2025 թվականի հոկտեմբերի 8-ից մինչև 2026 թվականի մարտի 31-ն ընկած ժամանակահատվածում «Մեր ձևով» ՀԿ-ի բանկային հաշիվներին Ս.Կ.-ի հետ փոխկապակցված «Տաշիր» բարեգործական հիմնադրամից, «Ինտեգո Էներգո» և «Տաշիր Կապիտալ» ՓԲ ընկերություններից որպես «Նվիրատվություն», «Փոխառության տրամադրում»  փոխանցվել է  հանցավոր գործունեության արդյունքում ձեռք բերված՝ շուրջ 1.6 մլրդ ՀՀ դրամ, 230 հազար եվրո և 75 հազար ԱՄՆ դոլար:

Ա.Ա.-ն նույն ժամանակահատվածում հանցավոր ծագում ունեցող առանձնապես խոշոր չափերի գումարն օրինական գործունեության պատրվակով լեգիտիմացնելու նպատակով՝ աշխատանքի ընդունված քաղաքացիներին մեկ կամ ավելի ամիս որպես աշխատավարձ, ինչպես նաև ծառայությունների մատուցման դիմաց վճարելու քողի ներքո, նյութապես շահագրգռել է՝ ուղղորդելով մասնակցել Ս.Կ.-ի աջակիցների, «Մեր ձևով» ՀԿ-ի և «Ուժեղ Հայաստան»-ի կողմից 2025 թվականի սեպտեմբերից մինչև 2026 թվականի մայիսն ընկած ժամանակահատվածում ՀՀ-ում կազմակերպած ցույցերին և հավաքներին:

Արդյունքում, աշխատանքի ընդունված քաղաքացիների գերակշիռ մասն աշխատանքի չեն հաճախել կամ ամսվա կտրվածքով կազմակերպությունների գրասենյակ են այցելել մեկ կամ մի քանի անգամ՝ չգիտակցելով նույնիսկ հասարակական կազմակերպությունում իրենց գործառույթների բնույթը և նպատակը: Հետագայում, Ա.Ա.-ն նշված աշխատակիցներին ազատել է աշխատանքից՝ առանց կանոնադրությամբ նախատեսված՝ ՀԿ-ի նպատակների իրագործման:

Այսպիսով, Ա.Ա.-ն հանցավոր գործունեության արդյունքում ձեռք բերված՝ հասարակական կազմակերպության հաշիվներին փոխանցված գումարներից որպես աշխատավարձ և դրան հավասարեցված այլ վճարումներ հատկացրել է 703 մլն 835 հզր 953 ՀՀ դրամ, իսկ որպես քաղաքացիաիրավական պայմանագրով աշխատանքի վարձատրություն՝ 59 մլն 428 հզր 521 ՀՀ դրամ՝ ընդհանուր՝ 763 մլն 264 հզր 474 ՀՀ դրամ։

Նախաքննության ընթացքում կատարվել են բազմաթիվ վարութային և ապացուցողական գործողություններ, հարցաքննվել է շուրջ 500 անձ:

Ա.Ա.-ի նկատմամբ հսկող դատախազի որոշմամբ հարուցվել է հանրային քրեական հետապնդում՝ Քրեական օրենսգրքի 236-րդ հոդվածի 2-րդ մասով (հավաքին մասնակցելու նպատակով նյութապես շահագրգռելը) և 296-դ հոդվածի 3-րդ մասի 3-րդ կետով (առանձնապես խոշոր չափերով փողերի լվացումը):

Վերջինս քննիչի որոշմամբ՝ ՀՀ ՆԳՆ ոստիկանության կողմից ձերբակալվել է՝ կալանքը որպես խափանման միջոց ընտրելու նպատակով:

Ծանուցում. հանցագործության համար մեղադրվողը համարվում է անմեղ, քանի դեռ նրա մեղավորությունն ապացուցված չէ Քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։

The post Ծառայությունների մատուցման դիմաց վճարելու քողի ներքո, նյութապես շահագրգռելու համար ձերբակալվել է Ալիկ Ալեքսանյանը: appeared first on Norlur.am.

Լավ փոփոխությունների սպասող լոռեցիները համախմբվել են մարզկենտրոն Վանաձորում՝ մեկ նպատակի շուրջ․ հունիսի 7-ին իրենց քվեով նոր էջ բացել Հայաստանի պատմության մեջ և ազդարարել մեր երկրի սպասված վերածնունդը։

Վանաձորում տիրող ոգևորիչ մթնոլորտն ու համախմբվածությունը սկիզբն են այն մեծ ծրագրերի, որոնք միասնական ջանքերով իրականացնելու ենք հանուն մեր բոլորի՝ արժանապատիվ, անվտանգ և բարեկեցիկ ապագայի։
Բազմաթիվ անգամներ շեշտել եմ՝ ձեր վստահությունն ինձ համար ամենամեծ պատասխանատվությունն է, և ես այն պահելու ու պահպանելու եմ։

Սիրելի՛ հայրենակիցներ, միասին՝ դեպի լավ փոփոխություններ։

The post Լավ փոփոխությունների սպասող լոռեցիները համախմբվել են մարզկենտրոն Վանաձորում appeared first on Norlur.am.

Այսօր Հայաստանի տնտեսությունը կանգնած է լրջագույն մարտահրավերների առաջ։ Բիզնեսի ներկայացուցիչների, ներդրողների և հազարավոր աշխատող քաղաքացիների մոտ օրեցօր խորանում է անորոշության զգացումը, որովհետև իշխանությունը ձևավորել է մի համակարգ, որտեղ տնտեսական հարաբերությունները պայմանավորվում են ոչ թե օրենքով, այլ քաղաքական նպատակահարմարությամբ։

Սեփականության իրավունքը, որը պետք է լինի պետության և տնտեսության կայունության հիմնասյուներից մեկը, այլևս պաշտպանված չէ։ Գործարար միջավայրում ձևավորվել է վտանգավոր ընկալում, որ խոշոր բիզնեսի անվտանգությունը կախված է կառավարող խմբի նկատմամբ քաղաքական հավատարմությունից, իսկ իշխանության հետ անհամաձայնությունը կարող է վերածվել վարչական ճնշումների, հարկային հետապնդումների կամ տնտեսական թիրախավորման։ Փաստացի, վարչապետն ամեն օր անոնսավորում է ինչ-որ բան «խլելու» մասին:

Այս մթնոլորտը կործանարար է տնտեսության համար։ Որևէ լուրջ գործարար ներդրում չի անի այն երկրում, որտեղ վաղվա օրը կանխատեսելի չէ, որտեղ բիզնեսը ստիպված է մտածել ոչ միայն շուկայի, այլ նաև քաղաքական ռիսկերի մասին։ Արդյունքում՝ նվազում են ներդրումները, տնտեսությունը կորցնում է մրցունակությունը, փակվում են աշխատատեղեր, իսկ սոցիալական խնդիրներն ավելի են խորանում։

Միևնույն ժամանակ, Հայաստանի արտաքին քաղաքականության արկածախնդրությունը նոր վտանգներ է ստեղծում։ Ռուսաստանի հետ հարաբերություններում խորացող ճգնաժամը և ավանդական շուկաների հետ կապված խնդիրները հարվածում են հայկական արտադրողին ու արտահանողին։ Այս ամենն արդեն հանգեցրել է բիզնեսների կրճատման, արտադրության նվազման և բազմաթիվ ընտանիքների սոցիալական վիճակի վատթարացման։

Մյուս կողմից, Ադրբեջանի և Թուրքիայի հետ հարաբերություններում գործող ներկայիս քաղաքականությունը պարունակում է տնտեսական լուրջ ռիսկեր։ Առանց անվտանգության հստակ երաշխիքների և առանց ազգային տնտեսական շահերի պաշտպանության՝ Հայաստանը կարող է հայտնվել ավելի մեծ տնտեսությունների ճնշման ու ազդեցության տակ։ Սա վտանգ է ոչ միայն առանձին գործարարների, այլև մեր տնտեսական ինքնիշխանության համար։

«Բարգավաճ Հայաստան» կուսակցությունը համոզված է՝ պետությունն ու բիզնեսը պետք է լինեն գործընկերներ, ոչ թե հակառակորդներ։

Մենք երաշխավորում ենք՝

● սեփականության իրավունքի անվերապահ պաշտպանություն և սեփականության վերաբաժանման ցանկացած վտանգավոր նախադեպի բացառում,

● բիզնեսի նկատմամբ քաղաքական ճնշումների և ընտրովի վերաբերմունքի դադարեցում,

● ներդրումային միջավայրի արմատական բարելավում՝ հստակ, կանխատեսելի և բիզնեսամետ օրենսդրական փոփոխությունների միջոցով,

● հայ-ռուսական տնտեսական հարաբերություններում առկա ճգնաժամի հաղթահարում՝ Հայաստանի տնտեսությունը նոր ցնցումներից պաշտպանելու նպատակով,

● հայ-ադրբեջանական հարաբերություններում երաշխավորված խաղաղության մոդելի ներդրում, որը հնարավորություն կտա Հայաստանին զարգանալ անվտանգ, հավասարակշռված և կայուն միջավայրում։

Մենք համոզված ենք՝ ուժեղ պետություն հնարավոր չէ կառուցել թույլ տնտեսությամբ, իսկ ուժեղ տնտեսություն հնարավոր չէ ունենալ վախի, անորոշության և քաղաքական հաշվեհարդարի պայմաններում։

Հայաստանին անհրաժեշտ է նոր տնտեսական մթնոլորտ, որտեղ գործարարն իրեն պաշտպանված կզգա, ներդրողը վստահ կլինի ապագայի նկատմամբ։ Տնտեսությունը չի կարող լինել իշխանամետ կամ ընդդիմադիր, այն պետք է ծառայի պետության հզորացմանն ու ժողովրդի բարեկեցությանը։

The post Բաց խոսակցություն բիզնեսի հետ. Հրաչյա Ռոստոմյան appeared first on Norlur.am.

Նիկոլ Փաշինյանի ինքնահակադարձումների ծավալը գերազանցում է Սովետական հանրագիտարանների ծավալին. ամենամեծ հարցերից մինչև միջանձնային հարցեր Փաշինյանը հակադարձում է ինքն իրեն:

Տավուշում մի գողտրիկ գյուղ կա` Բարեկամավանը:

2018 թվականի հունիսին , երբ Նիկոլ Փաշինյանը նոր էր ընտրվել վարչապետի պաշտոնում, ԱԺ իմ Ելույթում արձանագրում եմ Տավուշի մարզի սահմանամերձ Բարեկամավան գյուղի խնդիրները և ելույթս տեղ է գտնում նաև «Հայկական Ժամանակում», միգուցե նրա համար, որ նորընտիր վարչապետը գտնում էր , որ դրանք « նախկինների» օրոք առաջացած խնդիրներ են և իրենց կառավարությունը լուծումներ է տալու դրանց։

8 տարի է«նախկինները »արդեն նախկին են, բայց սահմանամերձ գյուղերի վիճակը գնալով վատթարանում է։ Ինչպես և նախկինում ջուր չկա, գազ չկա, աշխատատեղ չկա , հիմա էլ դպրոց չի լինելու: Բարեկամավանում ութ տարում գյուղի անտեսվածությունը հանգեցրել է նրան, որ համայնքն էլ ավելի դատարկվել է: Ես զրուցեցի տեղի բնակչի հետ, ում անունը չեմ հայտնի, որը տեղեկացրեց դպրոցի չլինելը գյուղը ամբողջովին դատարկելու վերջին մեխն է: Արձանագրեց. «Գյուղում միայն գերեզմանատունը կմնա, երևի չեն քանդի»:
Փաստորեն, հեղափոխական իշխանությունը չեկավ, որ վերացնի Բարեկամավան գյուղի խնդիրները և առաջնորդվեց հայտնի խոսքովչկա գյուղ, չկա խնդիր: Գործող իշխանությունը գիտակցում է, որ դպրոցը գյուղի ծուխն է, համայնքին միավորող վայրը, երեխային գյուղին կապող հենքը: Սահմանապահ բարեկամավանցիները մնացել են առանց բարեկամների։ Դիմացը ադրբեջանցին է, թիկունքում անտարբերությունը, այլընտրանքն արտագաղթն է, և արձանագրումըՀայաստանը կորցնում է ևս մեկ գյուղ: Ահա թե ինչպես են դատարկվում Հայաստանի սահմանամերձ գյուղերը, որոնք դժվար թե պատահական մոտեցման հետևանք լինեն: Հունիսի 7-ին N7-ին, որ մնաս քո տանը` ապահով ու բարգավաճ:

Հ.Գ. 2018թ ելույթս տես մեկնաբանությունում

The post Սահմանապահ գյուղերում դպրոց փակելը գյուղերն ամբողջովին դատարկելու վեջին մեխն է. չկա գյուղ, չկա խնդիր appeared first on Norlur.am.

Գերիների վերադարձը, անհետ կորածների ճակատագրի բացահայտումը և մեր պետական արժանապատվության վերականգնումը յուրաքանչյուր հայի համար պետք է լինեն առաջնային հարցերից մեկը։

Ինձ համար հայրենիքն ու ժողովրդի արժանապատվությունը վեր են ցանկացած ունեցվածքից ու անձնական շահից։ Չկա այնպիսի պայման կամ հանգամանք, որի դիմաց կարելի է դավաճանել սեփական պետությանը, սեփական ժողովրդին կամ ազգային արժեքներին։

Այս և այլ կարևոր թեմաների շուրջ այսօր զրուցել եմ լրագրողների հետ։

The post Գերիների վերադարձը, անհետ կորածների ճակատագրի բացահայտումը և մեր պետական արժանապատվության վերականգնումը յուրաքանչյուր հայի համար պետք է լինեն առաջնային հարցերից մեկը appeared first on Norlur.am.

The post Հայաստանի գլխավոր առաջնահերթությունը պետք է մնա պետության անվտանգությունը՝ բոլոր արդյունավետ դիվանագիտական և միջազգային գործիքների միջոցով appeared first on Norlur.am.

Ավելի վաղ՝ Ռուսաստանն արգելել էր Հայաստանից ներմուծված «Ջերմուկ» հանքային ջրի խմբաքանակի վաճառքը։

The post Կասեցվել է «Ջերմուկ» հանքային ջրի բոլոր խմբաքանակների ներմուծումը և բաշխումը ՌԴ-ում appeared first on Norlur.am.

Քրեական ոստիկանության Սյունիքի մարզային վարչության ծառայողները օպերատիվ-հետախուզական միջոցառումների արդյունքում ձեռք էին բերել փաստական տվյալներ, որ քրեական աստիճանակարգության բարձրագույն կարգավիճակ ունեցող 53-ամյա տղամարդը մայիսի 1-ին Գորիսում գտնվող իր տանը մի խումբ անձանցից, այդ թվում՝ 49-ամյա համաքաղաքացուց, պահանջել է քրեական ենթամշակույթ կրող խմբավորման անդամներին, հանցագործություն կատարելու կամ այլ անձանց հանցագործության կատարմանը ներգրավելու, սպառնալիքի, հարկադրանքի և անօրինական այլ գործողությունների միջոցով, հարկադրել հունիսի 7-ին կայանալիք ԱԺ ընտրություններին չընտրել կուսակցություններից մեկին՝ այդ կերպ խոչընդոտելով այլ անձանց ընտրական իրավունքի ազատ իրականացմանը։

Փաստի վերաբերյալ Քրեական ոստիկանության ծառայողների օպերատիվ հետախուզական միջոցառումների արդյունքում ձեռք են բերվել ապացուցողական նշանակություն ունեցող համապատասխան տվյալներ՝ այդ թվում ձայնագրություններ։

Քննչական կոմիտեի հատկապես կարևոր գործերի քննության գլխավոր վարչությունում քրեական վարույթ է նախաձեռնվել։ 
Գորիսի բնակիչ 53-ամյա և 49-ամյա տղամարդկանց նկատմամբ հարուցվել է հանրային քրեական հետապնդում։
49-ամյա տղամարդը հայտնաբերվել և ձերբակալվել է։ Նրա նկատմամբ խափանման միջոց է ընտրվել բացակայելու արգելքը։
Քրեական աստիճանակարգության բարձրագույն կարգավիճակ ունեցող 53-ամյա Արտեմ Դոռունցի  նկատմամբ հայտարարվել է հետախուզում։  Նրա գտնվելու վայրի վերաբերյալ տեղեկություններ ունեցողներին խնդրում ենք դիմել Ոստիկանության մոտակա բաժին կամ զանգահարել 112։ 

Տեղեկություն հայտնող անձի գաղտնիությունը երաշխավորվում է։

Նախաքննությունը շարունակվում է։

The post Քրեական աստիճանակարգության բարձրագույն կարգավիճակ ունեցող 53-ամյա Արտեմ Դոռունցը խոչընդոտել է ընտրական իրավունքի իրականացմանը․ կատարվում է նախաքննություն appeared first on Norlur.am.

Սիրելի՛ շրջանավարտներ,

Այսօր դպրոցներում հնչում է Վերջին զանգը՝ ազդարարելով ձեր կյանքի ամենահիշարժան ու պատասխանատու փուլերից մեկի ավարտն ու մի նոր ճանապարհի սկիզբը։ Սրտանց շնորհավորում եմ ձեզ այս գեղեցիկ ու խորհրդանշական օրվա առթիվ։

Այսօր ձեր առջև բացվում են նոր հնարավորություններ, նոր երազանքներ և նոր հաղթանակների ճանապարհներ։ Թող ձեր կյանքի այս նոր շրջափուլը լցված լինի լույսով, հույսով, լավատեսությամբ, հաջողություններով ու երջանկությամբ։ Վստահ եղեք՝ ձեր գիտելիքը, աշխատասիրությունն ու հավատը սեփական ուժերի հանդեպ կարող են կառուցել ավելի բարեկեցիկ, բարգավաճ և ավելի արժանապատիվ Հայաստան։
Ինչպես երեկ Գյումրիում հազարավոր երիտասարդների առջև հայտարարեցի, այսօր ևս ուզում եմ կրկնել՝ դուք մեր երկրի ապագան եք։ Եվ ես պատրաստ եմ անել առավելագույնը, որպեսզի այդ ապագան լինի խաղաղ, անվտանգ, կայուն և լուսավոր։ Ես ուզում եմ, որ երեկ Գյումրիում սկիզբ առած լավատեսության շունչը թևածի ամբողջ հանրապետության տարածքում և արդեն հնչած վերջին զանգը դառնա մեր ազգային վերածննդի ու նոր հաղթանակների առաջին զանգը։

Սիրելի՛ երիտասարդներ, իմացե՛ք, որ ես ձեր հավատարիմ ընկերն եմ, միշտ ձեր կողքին եմ և շարունակելու եմ անել ամեն ինչ, որպեսզի դուք ապրեք խաղաղ, ապահով ու լուսավոր ապագա ունեցող Հայաստանում՝ լի հնարավորություններով, արդարությամբ ու բարեկեցությամբ։
Պատրաստվե՛ք նոր կյանքի ու լավ փոփոխությունների։

The post Դուք մեր երկրի ապագան եք և ես պատրաստ եմ անել առավելագույնը, որպեսզի այդ ապագան լինի խաղաղ, անվտանգ, կայուն և լուսավոր appeared first on Norlur.am.

Մայիսի 15-ին արտակարգ դեպք է տեղի ունեցել Երևանում։ Ժամը 11։55-ի սահմաններում ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Ավանի բաժնում օպերատիվ տեղեկություն է ստացվել, որ Հրաչյա Աճառյան փողոցի շենքերից մեկի մոտ վիճաբանություն է տեղի ունենում, հաղորդում է Shamshyan.com–ը։

Ոստիկանները պարզել են, որ նույն օրը ժամը 11։50-ի սահմաններում Երևանի բնակիչ 33-ամյա Գագիկ Մ․-ն իր վարած «Mercedes» մակնիշի ավտոքարշակի մասնակցությամբ տեղի է ունեցել ճանապարհատրանսպորտային պատահար, և շենքի բակի մուտքը փակվել է։

Վերջինիս են մոտեցել իրեն անծանոթ երկու տղամարդ, վիճաբանել իր հետ, որի ընթացքում նրանցից մեկը իր ձեռքի ձեռնափայտով հարվածել է Գագիկ Մ․-ի գլխին և հեռացել են, այնուհետև մի քանի րոպե անց նրան են մոտեցել իրեն անծանոթ մի քանի տղամարդ և ձեռքերով հարվածներ են հասցրել նրա մարմնի տարբեր մասերին՝ պատճառելով ֆիզիկական ցավ և գլխի շրջանում մարմնական վնասվածք։

Ոստիկանների կողմից ձեռնարկված միջոցառումների արդյունքում պարզվել է, որ Գագիկ Մ․-ին ծեծի են ենթարկել Երևան  բնակիչներ 46-ամյա Արսեն Ս․-ն, 35-ամյա Ոսկան Ն․-ն, 44-ամյա Հայկ Գ․-ն, 47-ամյա Արման Թ․-ն, 40-ամյա Արտաշես Մ․-ն և 52-ամյա Կարեն Ս․-ն և ձեռնարկում են միջոցառումներ նրանց հայտնաբերելու ուղղությամբ։

Դեպքի փաստով ոստիկանության Ավանի բաժնում փաստաթղթեր են կազմվել, որոնք փոխանցվել են ՀՀ Քննչական կոմիտեի Երևան քաղաքի քննչական վարչության Ավան և Նոր Նորք վարչական շրջանների քննչական բաժին

The post Երևանում շենքի բակի մուտքը վթարի հետևանքով փակելու համար 33-ամյա տղամարդուն մի քանի հոգով ծեծել են appeared first on Norlur.am.