Սիրելի՛ շրջանավարտներ,

Այսօր դպրոցներում հնչում է Վերջին զանգը՝ ազդարարելով ձեր կյանքի ամենահիշարժան ու պատասխանատու փուլերից մեկի ավարտն ու մի նոր ճանապարհի սկիզբը։ Սրտանց շնորհավորում եմ ձեզ այս գեղեցիկ ու խորհրդանշական օրվա առթիվ։

Այսօր ձեր առջև բացվում են նոր հնարավորություններ, նոր երազանքներ և նոր հաղթանակների ճանապարհներ։ Թող ձեր կյանքի այս նոր շրջափուլը լցված լինի լույսով, հույսով, լավատեսությամբ, հաջողություններով ու երջանկությամբ։ Վստահ եղեք՝ ձեր գիտելիքը, աշխատասիրությունն ու հավատը սեփական ուժերի հանդեպ կարող են կառուցել ավելի բարեկեցիկ, բարգավաճ և ավելի արժանապատիվ Հայաստան։
Ինչպես երեկ Գյումրիում հազարավոր երիտասարդների առջև հայտարարեցի, այսօր ևս ուզում եմ կրկնել՝ դուք մեր երկրի ապագան եք։ Եվ ես պատրաստ եմ անել առավելագույնը, որպեսզի այդ ապագան լինի խաղաղ, անվտանգ, կայուն և լուսավոր։ Ես ուզում եմ, որ երեկ Գյումրիում սկիզբ առած լավատեսության շունչը թևածի ամբողջ հանրապետության տարածքում և արդեն հնչած վերջին զանգը դառնա մեր ազգային վերածննդի ու նոր հաղթանակների առաջին զանգը։

Սիրելի՛ երիտասարդներ, իմացե՛ք, որ ես ձեր հավատարիմ ընկերն եմ, միշտ ձեր կողքին եմ և շարունակելու եմ անել ամեն ինչ, որպեսզի դուք ապրեք խաղաղ, ապահով ու լուսավոր ապագա ունեցող Հայաստանում՝ լի հնարավորություններով, արդարությամբ ու բարեկեցությամբ։
Պատրաստվե՛ք նոր կյանքի ու լավ փոփոխությունների։

The post Դուք մեր երկրի ապագան եք և ես պատրաստ եմ անել առավելագույնը, որպեսզի այդ ապագան լինի խաղաղ, անվտանգ, կայուն և լուսավոր appeared first on Norlur.am.

Խստորեն դատապարտում ենք բռնության ցանկացած կոչ, հակասահմանադրական քայլ կամ դրսևորում։ Նման երևույթներն անընդունելի են։

Կոչ ենք անում իրավապահ մարմիններին հնարավորինս սեղմ ժամկետներում բացահայտել բոլոր հանգամանքները, պատասխանատվության ենթարկել մեղավորներին։ Իրավապահ համակարգը, ցանկության դեպքում, դա կարող է անել, քանի որ ունի դրա համար անհրաժեշտ բոլոր ռեսուրսներն ու գործիքակազմը։

Ընդ որում, դա կարևոր է փարատելու համար հանրության շրջանում տարածված այն կասկածները, թե տեսանյութի տարածման հետևում կարող են կանգնած լինել իշխանական շրջանակներ։

Միևնույն ժամանակ համոզված ենք, որ որևէ տեսանյութ, անկախ դրա բովանդակությունից, չի կարող և չպետք է դառնա հակաարցախյան քարոզչության, ներհանրային թշնամանքի կամ ներհասարակական ատելության տարածման առիթ, առավել ևս գործող իշխանությունների կողմից։

Այսօր առավել քան երբևէ մեզ անհրաժեշտ է ներքին համերաշխություն և պատասխանատու հանրային խոսույթ:

The post ԲՀԿ դիրքորոշումը դիմակավորված անձանց մասնակցությամբ աղմկահարույց տեսանյութի վերաբերյալ appeared first on Norlur.am.

Նմանատիպ հանդիպումները ևս մեկ հնարավորություն են մարդկանց հետ անմիջական ու անկեղծ շփվելու, նրանց մտահոգություններն ու սպասումները լսելու համար։

The post Քայլերթ Երևանի Էրեբունի վարչական շրջանի բնակիչների հետ appeared first on Norlur.am.

Աշխարհն այսօր նշում է Ընտանիքի միջազգային օրը։ Սա, իմ կարծիքով, մարդկության համար ամենակարևոր և խորհրդանշական օրերից մեկն է։ Հայաստանի համար ընտանիքըորպես ինստիտուտ, վերջին տարիներին ավելի մեծ կարևորություն է ձեռք բերել։ Երբ պետությունը, երկիրը, ազգը հարվածներ են ստանում պատերազմի ու ծանր կորուստների տեսքով, ընտանիքը դառնում է մեր ամրությունը և ուժը պահպանող առանցքը։ Երբ հանրային համերաշխությունը խաթարված է, երբ կարևորագույն արժեքները վտանգված են, ընտանիքը դառնում է մեր հասարակության համար արժեքային ամենամեծ հենարանը։ Այս դժվար ժամանակներում հենց ընտանիքն է մեր հասարակության հենման ամենաամուր կետը։
Ու ես շատ կուզեի, որ մենք կարողանայինք որպես հասարակություն դառնալ ամուր ընտանիքի պես։ Ներողամիտ, հանդուրժող, սիրող, օգնող — ընտանիքի անդամների պես վերաբերվենք մեր հայաստանյան հասարակության բոլոր անդամներին։ Ի վերջո, այնքան փոքր է մեր երկիրը, որ դա ամենևին դժվար չէ անել, եթե լինի քաղաքական կամք և գիտակցում։

Ընտանիքի հանդեպ հոգածությունը պիտի դրսևորվի նաև հատկապես նախընտրական շրջանում, երբ քաղաքական գործընթացի բոլոր մասնակիցները շատ փխրուն վիճակում են։ Ես ինքս վաղուց որոշում եմ կայացրել, որը երբեք չեմ խախտումչթիրախավորել քաղաքական մրցակիցների ընտանիքի անդամներին, հատկապես եթե նրանք ներգրավված չեն քաղաքական կոնկրետ գործընթացներում։ Ես չեմ շեղվելու այս որոշումից և զերծ եմ պահելու մեր նախընտրական արշավը բոլոր նման դրսևորումներից։ Դրա փոխարեն, ես ուզում եմ, որ մեր բոլորի քարոզչության հիմքում լինի հանդուրժողականությունը և քաղաքակիրթ բանավեճը, ինչպես նաև փոխադարձ հոգատարությունը մի մեծ ընտանիքի պես։ Մեր երկիրը այս ընտրություններով շարժվում է դեպի դրական փոփոխություններ, մենք պիտի մեր մեծ ընտանիքը` մեր հասարակությունը, առողջ և կայուն առաջնորդենք դեպի այդ նոր, լուսավոր շրջանը։
Խաղաղություն և բարգավաճում բոլոր ընտանիքներին։

The post Կոչս մեր բոլոր ընտանիքներին՝ պատրաստվեք լավ փոփոխությունների appeared first on Norlur.am.

The post ԻՎԵՏԱ ՏՈՆՈՅԱՆԻ ՀՐԱՏԱՊ ՄԱՄՈւԼԻ ԱՍՈւԼԻՍԸ. ՈւՂԻՂ appeared first on Norlur.am.

ՌԴ ԱԳ նախարարն ափսոսանք է հայտնել, որ Հայաստանի վարչապետը չի մասնակցելու մայիսի 28-ին Ղազախստանում նախատեսված ԵԱՏՄ գագաթնաժողովին՝ շեշտելով, որ դա լավ հնարավորություն է «քննարկելու այն հարցերը, որոնք օդում կախված են»։

The post Երևանն ու Մոսկվան ունեն մտերիմ, դաշնակցային, սակայն միևնույն ժամանակ նաև բարդ հարաբերություններ. Լավրով appeared first on Norlur.am.

«Նախընտրական զարգացումների մոնիտորինգ» քաղաքացիական նախաձեռնությունն ամփոփել է ՀՀ ԱԺ հունիսի 7-ի նախընտրական քարոզարշավի առաջին շաբաթը՝ գնահատելով հանրության հետ աշխատանքի արդյունքները՝ ըստ սոցիալական մեդիայի մոնիտորինգի տվյալների։

Ընտրություններին մասնակցող քաղաքական ուժերի քարոզարշավի շրջանակներում ամենաէֆեկտիվը գնահատվել են.

1. Գագիկ Ծառուկյանի «Բարգավաճ Հայաստան» կուսակցության քարոզարշավը

2. Ռ. Քոչարյանի ելույթները

3. «Ուժեղ Հայաստանի» երևանյան հանդիպումները

4. Արման Թաթոյանի պատասխանն Ալիևին

Սոցցանցային քարոզչական նյութերին ստացած բացասական մեկնաբանությունների և ուղիղ եթերների դիտարկմամբ՝ հանդիպումներին ստացած առավել բացասական ընդունելության դրվագների առատությամբ աչքի են ընկել ՔՊ կուսակցության երևանյան հանդիպումները։

Քարոզարշավի առաջին շաբաթվա ամենաշատ տարածում ստացած ձևակերպումները.

1. Գագիկ Ծառուկյան. «Ես իմ կլասը չեմ գցի»

2. Լևոն Զուրաբյան. Վանոյին սպանել է Նիկոլը

3. Ռ. Քոչարյան. «Այ համբալ՝ ինչ ունես մեր ինքնության հետ»

Քարոզարշավի առաջին շաբաթվա ընթացքում ամենաբարձր անձնական հակառեյտինգ ապահովել է Ն. Փաշինյանը, իսկ անձնական ռեյտինգի ամենադինամիկ աճ՝ Գ. Ծառուկյանը։ Դրական Ռեյտինգի աճի երկրորդ ցուցանիշը՝ Ռ. Քոչարյանինն է։

The post Քարոզարշավի առաջին շաբաթվա հաղթողներն ու պարտվողները․ ով է առաջատար appeared first on Norlur.am.

Չնայած հորդառատ անձրևներին՝ մարդիկ չեն ցանկանում ընդհատել հանդիպումները։ Անկեղծ շփվում են, բարձրաձայնում իրենց համայնքներում չլուծված հարցերը, խոսում առհասարակ կառավարման համակարգում առկա խնդիրների մասին։
Մարդիկ ուզում են, որ իրենց լսեն։ Ուզում են խոսել իրենց դարդ ու ցավի մասին, տեսնել իրենց խնդիրների իրական լուծումները։ Մարդիկ հոգնել են վիրավորանքներից, պիտակավորումներից ու բաժանարար գծերից։

Անկախ բոլոր խնդիրներից՝ իմ կոչն ու հորդորը բոլոր համայնքներում մեկն է․ միասնական ուժերով կարող ենք փոխել այս իրավիճակը և ունենալ բարգավաճ Հայաստան։
Այնպես որ, պատրաստվե՛նք լավ փոփոխությունների։

The post Նախընտրական քարոզարշավի հերթական կանգառները Տավուշի մարզի Աչաջուր, Իջևան և Գոշ համայնքներն են appeared first on Norlur.am.

Սիսիանի համայնքային ոստիկանները հայտնաբերել են 12-ամյա տղային նվաստացրած պատանիներին

Մայիսի 12-ին Համայնքային ոստիկանության Սիսիանի բաժնի ծառայողները ստացել են օպերատիվ տեղեկություն, որ անչափահաս երկու պատանիներ 12-ամյա մի տղայի հայհոյել ու ապտակել են, նվաստացրել են նրան և այդ ամենը նկարահանել բջջային հեռախոսով։

Հետագա միջոցառումներն իրականացվել են մանկավարժների հետ ակտիվ համագործակցությամբ։ Արդյունքում 14-ամյա երկու պատանիները հայտնաբերվել են և տեղափոխվել Համայնքային ոստիկանության բաժին։

Կազմված փաստաթղթերն ու առգրավված բջջային հեռախոսը, որով կատարվել էր դեպքի տեսագրությունը, ներկայացվել են Սիսիանի քննչական բաժին։

Նման դեպքերը գտնվում են Համայնքային ոստիկանության մշտական ուշադրության կենտրոնում։ Անչափահասների նման դրսևորումները կանխելու նպատակով համայնքային ոստիկանները համագործակցում են մանկավարժական կոլեկտիվների հետ, սակայն շատ կարևոր է նաև ծնողների և, ընդհանրապես, համայնքի բոլոր անդամների ակտիվ ներգրավվածությունը։

The post Սիսիանի համայնքային ոստիկանները հայտնաբերել են 12-ամյա տղային նվաստացրած պատանիներին (ՏԵՍԱՆՅՈՒԹ) appeared first on Norlur.am.

The post ԲՀԿ նախագահ Գագիկ Ծառուկյանը Երևանի Շենգավիթ վարչական շրջանում քաղաքացիների հետ մասնակցում է միասնական քայլերթի։ appeared first on Norlur.am.