2026 թվականի օգոստոսի 15-ին Գորիսի «ՄԻՆԱ» հյուրանոցի կոնֆերենս սրահում «Հայաստանի փրկարար-ոստիկան վետերանների միություն» բարեգործական հասարակական կազմակերպության տարածքային համակարգողները հանդիպում են անցկացրել փրկարարական և ոստիկանության համակարգերի Սյունիքի մարզի Սիսիանի և Գորիսի տարածաշրջանների վետերանների և ՀՀ ներքին գործերի նախարարության փրկարար ծառայության և ոստիկանության Սիսիանի ու Գորիսի տարածքային ստորաբաժանումների ներկայացուցիչների հետ։

Հանդիպման ընթացքում կարևորվել է վետերանների հետ մշտական կապի պահպանումը, նրանց հուզող խնդիրների և առաջարկությունների քննարկումը, ինչպես նաև անհրաժեշտ աջակցություն ցուցաբերելու հնարավորությունները։

Միության ներկայացուցիչները շնորհակալություն են հայտնել վետերաններին՝ երկարամյա ծառայության, մասնագիտական նվիրումի և հայրենիքին անմնացորդ ծառայելու համար՝ ընդգծելով, որ նրանց փորձն ու անցած ուղին կարևոր արժեք են երիտասարդ սերնդի և պետության համար։

Հանդիպումն անցել է ջերմ և անմիջական մթնոլորտում։ Քննարկվել են նաև հետագա համագործակցության, վետերանների սոցիալական և բարոյահոգեբանական աջակցությունն ուղղված ծրագրերի իրականացման, ինչպես նաև Սյունիքի մարզի համայնքներում նրանց ներուժի՝ գործնականում կիրառման հնարավորությունները՝ համագործակցելով ՀՀ ՆԳՆ տարածքային ստորաբաժանումների հետ։

«Հայաստանի փրկարար-ոստիկան վետերանների միություն» բարեգործական հասարակական կազմակերպությունը շարունակելու է նման հանդիպումների անցկացումը՝ նպատակ ունենալով ամրապնդել վետերանների միջև կապը, վեր հանել նրանց խնդիրները և հնարավորության սահմաններում նպաստել դրանց լուծմանը։

«Հայաստանի փրկարար-ոստիկան վետերանների միություն»
բարեգործական ՀԿ

The post «Հայաստանի փրկարար-ոստիկան վետերանների միություն» բարեգործական հասարակական կազմակերպության ներկայացուցիչների հանդիպումը վետերանների հետ appeared first on Norlur.am.

Նմանատիպ հանդիպումները ևս մեկ հնարավորություն են մարդկանց հետ անմիջական ու անկեղծ շփվելու, նրանց մտահոգություններն ու սպասումները լսելու համար։

The post Քայլերթ Երևանի Էրեբունի վարչական շրջանի բնակիչների հետ appeared first on Norlur.am.

The post «Բարգավաճ Հայաստան» կուսակցությունը առաջադրման փաստաթղթերը ներկայացրեց ԿԸՀ appeared first on Norlur.am.

Բանը նրանում է, որ Կադաստրի կոմիտեի ղեկավարությունը, լինելով Նիկոլ Փաշինյանի նշանակած թիմը, նրա քթի տակ ստվերային ծառայություններ է մատուցում Տաշիրի Սամոյին՝ օգնելով թաքցնել այն իրական պատկերը, թե ինչպես են ընդդիմադիր գործարարի ընկերությունները կեղեքում փոքր բիզնեսը։

Մենք երեք անգամ հետևողականորեն դիմել ենք Կադաստրի կոմիտե՝ պահանջելով տեղեկատվություն Կարապետյանի հետ կապվող «ՀԱՆՔԱՇԱՐ» և «ԱՆՑՈՒՄՄԵԿ» ընկերությունների գույքերի վերաբերյալ։ Մեր հարցման նպատակը պարզ էր. ցույց տալ այս ընկերությունների կողմից վարձակալությամբ տրված տարածքների, ստացած աստղաբաշխական եկամուտների և վճարած չնչին հարկերի հարաբերակցությունը։

Մինչ Սամոյենք «հարկային ազատություն» են խոստանում, մենք փորձում էինք բացահայտել, թե ինչպես են նրանք իրականում իրենց անտանելի վարձավճարներով պարզապես «չոքացնում» ու սնանկացնում փոքր բիզնեսը։ Կադաստրը, սակայն, երեք դեպքում էլ տվել է լկտի ու անհիմն մերժում՝ դառնալով Սամվել Կարապետյանի «հարկային խոստումների» ստի պահապանը։

Տեսնելով այս բացահայտ սաբոտաժը՝ գրավոր դիմել ենք Վարչապետի աշխատակազմ։ Այստեղ էլ, սակայն, տեղի է ունեցել ամենաարտառոցը. Վարչապետի աշխատակազմի ղեկավարը հանձնարարական է ուղարկել Կադաստրի պետին՝ հարցը կարգավորելու համար, բայց վերջինս, փաստացի «թքած ունենալով» իր վերադասի ու հենց Նիկոլ Փաշինյանի վրա, կրկին մերժել է տվյալների տրամադրումը։

Ստացվում է, որ փոքր բիզնեսի իրական վիճակը Կադաստրի համար ոչինչ է, երբ խաղասեղանին Սամվել Կարապետյանի հետ ունեցած ստվերային պայմանավորվածությունն է։ Սա այլևս սովորական բյուրոկրատական քաշքշուկ չէ, սա բացահայտ քաղաքական սաբոտաժ է հենց կառավարության ներսում։ Տպավորություն է, որ Կադաստրի կոմիտեի ղեկավարը Նիկոլ Փաշինյանից թաքուն վաղուց արդեն սեփական «տանիքն» է գտել Սամվել Կարապետյանի դեմքով և այսօր ավելի մեծ ջանասիրությամբ պաշտպանում է Տաշիրի Սամոյի բիզնես-գաղտնիքները, քան կառավարության հեղինակությունը։ Սա դասական դավաճանություն է. ուտել պետական բյուջեի հացը, պաշտոնավարել Փաշինյանի շնորհիվ, բայց կուլիսներում լիզել հակառակորդի ձեռքը՝ թույլ տալով, որ նա շարունակի «քերթել» փոքր ձեռնարկատերերին: Մինչդեռ Կարապետյանները եթերներից սուտ հույսեր են տալիս նույն այդ ժողովրդին։

Հարց է առաջանում՝ արդյոք Նիկոլ Փաշինյանը տեղյա՞կ է, որ իր` ամենավստահելի թվացող պաշտոնյաները վաղուց արդեն անցել են հակառակորդի ճամբարը և իր իսկ աշխատակազմի գրությունները պարզապես աղբամանն են նետում, եթե դրանք վերաբերում են Սամվել Կարապետյանի շահերին։ Եթե Կադաստրի պետը թույլ է տալիս իրեն արհամարհել Վարչապետի աշխատակազմի ղեկավարին, ուրեմն նա արդեն վաճառված է, իսկ նրա իրական տերը ոչ թե Հայաստանի կառավարությունն է, այլ Տաշիրի ստվերային կայսրությունը։

Պարո՛ն Փաշինյան, Ձեր քթի տակ Ձեր թիմակիցները ծառայում են Ձեր քաղաքական հակառակորդին՝ օգնելով թաքցնել այն թալանը, որն այսօր իրականացվում է փոքր բիզնեսի նկատմամբ հենց նրանց կողմից, ովքեր խոստանում են վաղը «փրկել» այդ նույն բիզնեսը։

The post Քաղաքական ցինիզմ․ Փաշինյանի վստահելիները փոխում են ճամբարները appeared first on Norlur.am.

«Ինչպես գիտեք, Հորմուզի նեղուցը գտնվում է Իրանի տարածքային ջրերում: Այն Իրանի տարածքի մի մասն է: Եվ այն հազարամյակներ շարունակ բաց է մնացել Իրանի որոշմամբ: Իրանը չափազանց վճռական և պատասխանատու խաղացող է: Մենք մեծ նշանակություն ենք տալիս այն բանին, որ այդ նեղուցը միշտ մնա բաց», – ասել է նա:

Սակայն այժմ, նրա խոսքով, «անհրաժեշտ է ընդունել նոր կանոններ»: Տարածաշրջանում ստեղծված իրավիճակը «պահանջում է դա ոչ միայն անվտանգության նկատառումներից ելնելով, այլև անվտանգ անցման և բնապահպանական հարցերի ապահովման համար»:

«Ես ձեզ վստահեցնում եմ, որ Հորմուզի նեղուցը հավերժ կմնա խաղաղության և անդորրի նեղուց, եթե այս պատերազմը մեկընդմիշտ ավարտվի, իսկ ամերիկացիները հրաժարվեն իրենց առավելապաշտական դիրքորոշումներից և ընդունեն իրողությունը տեղում, ընդունեն արդար, հավասարակշռված և հավասար պայմաններ (լիարժեք կարգավորման համար): Այսինքն, եթե նրանք ընդունեն այն փաստը, որ ոչ ոք չի կարող հարձակվել մեկ այլ երկրի վրա՝ խախտելով միջազգային իրավունքը, և որ Իրանի տարածքային ամբողջականությունն ու ազգային ինքնիշխանությունը պետք է պահպանվեն», – հավելել է Խաթիբզադեն:

The post Հորմուզի նեղուցի բացման համար ԱՄՆ-ն պետք է փոխի մոտեցումը. Իրանի ԱԳՆ appeared first on Norlur.am.

Գագիկ Ծառուկյանը հանդիպել է ռուս գործընկերոջ հետ, քննարկվել են ՀՀ և ՌԴ միջև սպորտի զարգացման հեռանկարները, անդրադարձ է կատարվել երկկողմ համագործակցության ընդլայնման հնարավորություններին և միջազգային մարզական հարթակներում համատեղ նախաձեռնությունների իրականացմանը։ Միխայիլ Դեգտյարևը ջերմորեն շնորհավորել է Գագիկ Ծառուկյանին՝ Եվրասիական մարզական ասոցիացիայի նախագահ ընտրվելու առթիվ և մաղթել արդյունավետ ու բեղմնավոր աշխատանք, հույս հայտնել, որ այս հարթակը նպաստելու է տարբեր երկրների մարզական պոտենցիալի խորացմանը։

Գագիկ Ծառուկյանը նշել է, Եվրասիական մարզական համագործակցության ասոցիացիայի նախագահությունը նոր դռներ է բացում համագործակցության խորացման համար։ «Հայաստանը պատրաստ է լինել կամուրջ Եվրոպայի, Ասիայի, Ռուսաստանի միջև սպորտում առկա խնդիրների և հարցերի քննարկման ու արդար լուծումներ գտնելու հարցում»,- նշել է ՀԱՕԿ նախագահը, հավելելով, որ սպորտը դուրս է քաղաքականությունից և անարդար է, որ քաղաքական գործընթացների արդյունքում տուժում են մարզիկներն ու սպորտի առաջընթացն ընհանրապես։ Կողմերը կարևորել են երկկողմ համագործակցության խորացումը և պայմանավորվել նմանատիպ հանդիպումները դարձնել շարունակական՝ ի նպաստ օլիմպիական գաղափարների տարածման ու համաշխարհային սպորտի զարգացման։

The post Միխայիլ Դեգտյարևի հրավերով Գագիկ Ծառուկյանի գլխավորած պատվիրակությունը գտնվում էր Մոսկվայում appeared first on Norlur.am.

The post Երաշխավորված խաղաղությունը պատերազմի դուռը վերջնականապես փակելն է appeared first on Norlur.am.

Գրել է Գագիկ Ծառուկյանը և տեսանյութ հրապարակել Արմավիրի մարզ այցից։

«Արմավիրի մարզում հանդիպումները շարունակվում են։

Մուսալեռ, Արևաշատ և Պտղունք համայնքներում մարդիկ անկեղծորեն ներկայացնում են իրենց հուզող խնդիրները՝ սոցիալական պայմաններից ու գյուղատնտեսությունից մինչև սպորտային ենթակառուցվածքների ստեղծման անհրաժեշտություն։

Գյուղերում ապրող մեր հայրենակիցները ցանկանում են, որ իրենց ձայնը լսելի լինի, իսկ բարձրաձայնած խնդիրները ստանան հստակ և գործնական լուծումներ»։
https://www.facebook.com/plugins/video.php?href=https%3A%2F%2Fwww.facebook.com%2Freel%2F4365194220464855%2F&show_text=0&width=560

The post Գյուղերում ապրող մեր հայրենակիցները ցանկանում են, որ իրենց ձայնը լսելի լինի, իսկ բարձրաձայնած խնդիրները ստանան հստակ և գործնական լուծումներ. Ծառուկյան (տեսանյութ) appeared first on Norlur.am.

Ամասիա գյուղում Ռադիկը հրավիրեց իրենց տուն, ազնիվ արդար հայի տուն։ Խոսեցինք, լսեցինք իրար։ Ռադիկն ասում է. «Ծառուկյան ջան, դու որ կանգնես մեր գյուղացիների կողքին, մենք գերան կկոտրենք»։ Ես ասացի.՝ գյուղը պետք է Ծառուկյանի կողքին լինի, որ կարողանանք գերանը կոտրել։

Գերանն էն խեղճությունն է, որ մեզ պատել է, որը մեզ իսկապես սազական չէ, էն հուսահատությունն է, որի մեջ մեր երկիրը հայտնվել է, էն բազմաթիվ խնդիրներն են, որոնք լուծում ունեն, որոնք վաղուց պիտի լուծված լինեին, բայց չեն լուծվել, էն անարդարությունն է, որի մեջ ապրում են մարդիկ, էն հազար ու մի խնդիրն է, որ մարդկանց կյանքը դժվարացնում է…

Մենք էդ գերանը կոտրելու ենք, մենք խեղճությանը հաղթելու ենք։ Մենք հատ-հատ քննարկել ենք մարդկանց հուզող բոլոր խնդիրները՝ խոշոր հարցերից մինչև առօրյա փոքր հարցեր։ Ես հիացած եմ մեր ժողովրդի իմաստությամբ։ Առաջիկայում շրջելու եմ հանրապետության բոլոր մարզերի գյուղերով, լսելու եմ մարդկանց հարցերը, ներկայացնելու եմ մեր թիմի մոտեցումները։

Մենք մեր երկիրը դուրս ենք բերելու այս վիճակից։ Վստահ եղե՛ք։

The post Մենք էդ գերանը կոտրելու ենք, մենք խեղճությանը հաղթելու ենք appeared first on Norlur.am.

Իրավիճակի պարադոքսալությունն այն է, որ խնդիրը ոչ միայն չի լուծվել, այլ ավելի է խորացել։ Ադրբեջանը փաստացի վերահսկողություն է սահմանել Հայաստանի ինքնիշխան տարածքի մի մասի նկատմամբ։ Խոսքը Ջերմուկի, Գեղարքունիքի և Սյունիքի մի շարք հատվածների մասին է։ Այս հողերն այսօր գտնվում են Բաքվի ֆիզիկական վերահսկողության տակ, ինչը կոպտորեն խախտում է Հայաստանի տարածքային ամբողջականությունը։

Իշխանությունները երկար ժամանակ պնդում էին, որ այս տարածքների պատկանելությունը պարզ կդառնա հենց սահմանազատման գործընթացի արդյունքում։ Վարչապետ Նիկոլ Փաշինյանը բազմիցս է կրկնել այս թեզը՝ փաստորեն խոստանալով, որ դիվանագիտական ճանապարհով հնարավոր կլինի վերականգնել արդարությունը։ Սակայն այդ գործընթացը սառեցվեց հենց այն առանցքային պահին, երբ Ադրբեջանն ամրապնդեց իր դիրքերը հայկական հողի վրա։

Այս ամենը տեղի է ունենում ոչ թե տեղեկատվական վակուումում, այլ ներքաղաքական կարևոր իրադարձությունների ֆոնին։ Տպավորություն է, որ թեման միտումնավոր լռությամբ շրջանցվեց նախընտրական փուլում։ Կարծես թե, իշխանությունը նախընտրեց հարցը դուրս հանել օրակարգից, որպեսզի ստիպված չլինի պատասխանել մի անհարմար հարցի, որն ակնհայտորեն հուզում է հասարակությանը. ինչո՞ւ է հայկական իշխանությունն անզոր Ալիևի առջև, և ինչո՞ւ է թույլ տալիս, որ օկուպացված տարածքները մնան թշնամու ձեռքում:

Վերլուծելով զարգացումները՝ ստացվում է, որ սահմանազատման գաղափարն ինքնին օգտագործվեց որպես քողարկում։ Սկզբում՝ իշխանությունների անգործությունն արդարացնելու համար, իսկ այժմ՝ ժամանակ ձգելու համար։ Արդյունքում Ջերմուկի, Գեղարքունիքի և Սյունիքի կորցրած հողերը դե-ֆակտո մնացին Բաքվի վերահսկողության տակ, իսկ գործընթացը, որի արդյունքում Բաքուն պետք է վերադարձներ այդ հողերը, պարզապես անհետացավ։

The post Սահմանազատում էլ չկա՞․ Ու՞ր անհետացավ սահմանազատման հարցը օրակարգից appeared first on Norlur.am.