Այսօր Հայաստանի տնտեսությունը կանգնած է լրջագույն մարտահրավերների առաջ։ Բիզնեսի ներկայացուցիչների, ներդրողների և հազարավոր աշխատող քաղաքացիների մոտ օրեցօր խորանում է անորոշության զգացումը, որովհետև իշխանությունը ձևավորել է մի համակարգ, որտեղ տնտեսական հարաբերությունները պայմանավորվում են ոչ թե օրենքով, այլ քաղաքական նպատակահարմարությամբ։

Սեփականության իրավունքը, որը պետք է լինի պետության և տնտեսության կայունության հիմնասյուներից մեկը, այլևս պաշտպանված չէ։ Գործարար միջավայրում ձևավորվել է վտանգավոր ընկալում, որ խոշոր բիզնեսի անվտանգությունը կախված է կառավարող խմբի նկատմամբ քաղաքական հավատարմությունից, իսկ իշխանության հետ անհամաձայնությունը կարող է վերածվել վարչական ճնշումների, հարկային հետապնդումների կամ տնտեսական թիրախավորման։ Փաստացի, վարչապետն ամեն օր անոնսավորում է ինչ-որ բան «խլելու» մասին:

Այս մթնոլորտը կործանարար է տնտեսության համար։ Որևէ լուրջ գործարար ներդրում չի անի այն երկրում, որտեղ վաղվա օրը կանխատեսելի չէ, որտեղ բիզնեսը ստիպված է մտածել ոչ միայն շուկայի, այլ նաև քաղաքական ռիսկերի մասին։ Արդյունքում՝ նվազում են ներդրումները, տնտեսությունը կորցնում է մրցունակությունը, փակվում են աշխատատեղեր, իսկ սոցիալական խնդիրներն ավելի են խորանում։

Միևնույն ժամանակ, Հայաստանի արտաքին քաղաքականության արկածախնդրությունը նոր վտանգներ է ստեղծում։ Ռուսաստանի հետ հարաբերություններում խորացող ճգնաժամը և ավանդական շուկաների հետ կապված խնդիրները հարվածում են հայկական արտադրողին ու արտահանողին։ Այս ամենն արդեն հանգեցրել է բիզնեսների կրճատման, արտադրության նվազման և բազմաթիվ ընտանիքների սոցիալական վիճակի վատթարացման։

Մյուս կողմից, Ադրբեջանի և Թուրքիայի հետ հարաբերություններում գործող ներկայիս քաղաքականությունը պարունակում է տնտեսական լուրջ ռիսկեր։ Առանց անվտանգության հստակ երաշխիքների և առանց ազգային տնտեսական շահերի պաշտպանության՝ Հայաստանը կարող է հայտնվել ավելի մեծ տնտեսությունների ճնշման ու ազդեցության տակ։ Սա վտանգ է ոչ միայն առանձին գործարարների, այլև մեր տնտեսական ինքնիշխանության համար։

«Բարգավաճ Հայաստան» կուսակցությունը համոզված է՝ պետությունն ու բիզնեսը պետք է լինեն գործընկերներ, ոչ թե հակառակորդներ։

Մենք երաշխավորում ենք՝

● սեփականության իրավունքի անվերապահ պաշտպանություն և սեփականության վերաբաժանման ցանկացած վտանգավոր նախադեպի բացառում,

● բիզնեսի նկատմամբ քաղաքական ճնշումների և ընտրովի վերաբերմունքի դադարեցում,

● ներդրումային միջավայրի արմատական բարելավում՝ հստակ, կանխատեսելի և բիզնեսամետ օրենսդրական փոփոխությունների միջոցով,

● հայ-ռուսական տնտեսական հարաբերություններում առկա ճգնաժամի հաղթահարում՝ Հայաստանի տնտեսությունը նոր ցնցումներից պաշտպանելու նպատակով,

● հայ-ադրբեջանական հարաբերություններում երաշխավորված խաղաղության մոդելի ներդրում, որը հնարավորություն կտա Հայաստանին զարգանալ անվտանգ, հավասարակշռված և կայուն միջավայրում։

Մենք համոզված ենք՝ ուժեղ պետություն հնարավոր չէ կառուցել թույլ տնտեսությամբ, իսկ ուժեղ տնտեսություն հնարավոր չէ ունենալ վախի, անորոշության և քաղաքական հաշվեհարդարի պայմաններում։

Հայաստանին անհրաժեշտ է նոր տնտեսական մթնոլորտ, որտեղ գործարարն իրեն պաշտպանված կզգա, ներդրողը վստահ կլինի ապագայի նկատմամբ։ Տնտեսությունը չի կարող լինել իշխանամետ կամ ընդդիմադիր, այն պետք է ծառայի պետության հզորացմանն ու ժողովրդի բարեկեցությանը։

The post Բաց խոսակցություն բիզնեսի հետ. Հրաչյա Ռոստոմյան appeared first on Norlur.am.

Ավելի վաղ՝ Ռուսաստանն արգելել էր Հայաստանից ներմուծված «Ջերմուկ» հանքային ջրի խմբաքանակի վաճառքը։

The post Կասեցվել է «Ջերմուկ» հանքային ջրի բոլոր խմբաքանակների ներմուծումը և բաշխումը ՌԴ-ում appeared first on Norlur.am.

Նշվում է, որ հացահատիկով բեռնված 5 երկաթուղային վագոն կմուտք գործի Հայաստան՝ օգտագործելով տարանցիկ փոխադրումների երթուղին։

The post Ադրբեջանի տարածքով հացահատիկ կտեղափոխվի Հայաստան․ 5 վագոն բեռ appeared first on Norlur.am.

ՀՀ և Վերակառուցման ու զարգացման միջազգային բանկի միջև Հայաստանի ջրի և ոռոգման ծառայությունների բարելավման ծրագրի առաջին փուլում վարկային համաձայնագիրը վավերացնելու մասին օրենքի նախագծի շրջանակներում Ղալամքարյանը ներկայացրեց, որ ծրագիրը ուղղված է լինելու ՀՀ ոռոգման և ջրամատակարարման ու ջրահեռացման ոլորտների արդիականացմանն ու բարեփոխմանը:

«Հարկ եմ համարում նշել, որ ծրագիրը համաֆինանսավորվելու է Ֆրանսիական զարգացման գործակալության և ՀՀ Կառավարության կողմից:

Ծրագիրը բազմափուլային է, սա միայն առաջին փուլն է, նախատեսվում է 5 տարվա համար, հաջող իրականացման դեպքում՝ կլինի նաև ծրագրի երկրորդ փուլ, դրամական արտահայտությամբ՝ առաջին փուլը կլինի 185 միլոն դոլար, երկրորդը՝ 250: Համաձայնագիրը ստացել է Սահմանադրական դատարանի հավանությունն ու դրական եզրակացությունը»,- նշել է նա:

The post Կառավարությունը 70 մլն եվրո վարկ է վերցնում, որպեսզի բարելավված ջրամատակարարում ապահովի. Ջրային կոմիտեի նախագահ appeared first on Norlur.am.

«2025 թվականը՝ ՀՀ անկախությունից ի վեր, առաջին օրացույցային տարին է, երբ Հայաստանի և Ադրբեջանի միջև փոխհրաձգության հետևանքով զոհեր կամ վիրավորներ չեն եղել: ՀՀ և Ադրբեջանի Հանրապետության միջև 2025 թվականի օգոստոսի 8-ին խաղաղություն է հաստատվել:

2025 թվականը՝ անկախությունից ի վեր, առաջին տարին է, երբ ՀՀ-ից Հայաստանի քաղաքացիների արտագաղթը վերափոխվել է ներգաղթով: Արձանագրվել է բարձր տնտեսական աճ, 2025 թվականին պետական բյուջեի եկամուտները՝ 2017-ի համեմատ, ավելացել են 135 տոկոսով»,- նշել է նա:

The post ՀՀ-ում այսօր կան 700,000 դրամ ստացող ուսուցիչներ. Նիկոլ Փաշինյան (տեսանյութ) appeared first on Norlur.am.

Նախարարը հիշեցրեց՝ նախորդ տարի հարկային օրենսգրքում կատարվել են փոփոխություններ և էականորեն պարզեցվել է ֆիզիկական անձանց եկամուտների հայտարարագրման համակարգը, ներդրվել է հայտարարագրերի ինքնաշխատ ներկայացման համակարգ, մասնավորապես՝ հայտարարագիրը նախալրացնում է հարկային մարմինը՝ իր մոտ առկա տեղեկատվության հիման վրա, ֆիզիկական անձը կարող է նախալրացված հայտարարագիրը փոփոխել, իսկ փոփոխությունների չենթարկվելու դեպքում հայտարագիրը ներկայացնելու վերջնաժամկետի օրը այն համարվելու է օրենսդրությամբ սահմանված կարգով ներկայացված:

«Առաջարկվում է սահմանել, որ հայտարարագրման ենթակա չեն ստացվող վարկերի գումարները՝ առանց գումարային սահմանափակման, ընտանիքի անդամ չհամարվող ֆիզիկական անձանցից մինչև 1 միլիոն դրամը միանվագ ստացվող փոխառությունների գումարները, ոչ առևտրային կազմակերպություններից միանվագ՝ մինչև 1 միլիոն դրամը ներառյալ անհատույց ստացվող ակտիվները, ժառանգության և նվիրատվության կարգով ընտանիքի անդամ չհամարվող ֆիզիկական անձանցից միանվագ՝ մինչև 1 միլիոն դրամ արժեքով ստացվող գույքը և դրամական միջոցները»,- նշեց նա:

Սահմանվել է նաև, որ հայտարարգրման ենթակա չեն ընտանիքի անդամներից ստացվող, նվազեցվող եկամուտները: Ընտանիքի անդամներ են համարվում ֆիզիկական անձի ամուսինը, ծնողները, զավակները, քույրերը, եղբայրները, պապերը, տատերը: Կառավարությունը կարող է սահմանել հայտարարագրման ոչ ենթակա այլ եկամուտների տեսակներ և շեմեր, այս դեպքում խոսքը արդեն ոչ ընտանիքի անդամներից ստացվող եկամուտների մասին է: Ներկայացված նախագծով՝ առաջարկվում է սահմանել հայտարարգրման ոչ ենթակա, նվազեցվող եկամուտների տեսակներ և շեմեր:

The post Մինչև 1 միլիոն դրամ անձնական փոխանցումներն այլևս հայտարարագրման ենթակա չեն լինի. ֆինանսների նախարար appeared first on Norlur.am.

«Վարձատրության նոր համակարգը ու աշխատավարձերի բարձրացումը շատ ուրախալի է: Առաջին անգամ` դեկտեմբեր ամսին, մենք միջին աշխատավարձ ունեցանք 400,000 դրամ, իհարկե, հարկերը ներառված:

Ես այս ամենին նայում եմ ոչ թե նախընտրական ու ընտրական տրամաբանությամբ, այլ որպես մեր երկրի տնտեսական զարգացում: Վարձատրության նոր համակարգը և տնտեսական նոր իրավիճակը ենթադրում է, որ երկրում պետք է կենսամակարդակը բարձրանա:

Հիմա մասնավոր համակարգում, պետականի համեմատ, շատ բարձր է աշխատավարձը, կադրերի արտահոսք կա, բնականաբար, եթե պետական համակարգում աշխատավարձ է բարձրանում, մասնավորը՝ որպեսզի շարունակի լավ կադրերին տանել, իր կողմից նույնպես աշխատավարձ է բարձրացնելու, իրենք միմյանց հետևում են»,- նշել է նա:

The post Մենք անընդհատ տեսնում ենք, որ Հայաստանում միջին աշխատավարձը ավելանում է. Գևորգ Պապոյան appeared first on Norlur.am.

«Հենց ադրբեջանական բենզինը վերջանում է՝ մյուս բենզինը, բնականաբար, թանկանում է: Հետևաբար, պետք է ադրբեջանական բենզին շատ բերենք, որ բենզինը միշտ էժան լինի մեր ժողովրդի համար: Ինչքան շատ բերեն՝ այդքան գները կիջնեն: Մինչև ադրբեջանական բենզինի մուտքը Հայաստան, ես ռեգուլյար բենզին տեսել եմ 500-520 դրամով»,- նշել է նա:

Անդրադառնալով արտահանմանն ու ներկրմանը՝ Պապոյանը նշեց, որ Ադրբեջանը բազմաթիվ ապրանքների ցանկ է տվել, որը կարող է արտահանվել Հայաստան, Հայաստանն էլ՝ իրենց է տվել, բայց դեռևս չկան մրցակցային լրջագույն առավելություններ:

Պապոյանի խոսքով՝ դա պրոցես է, ու առևտուր անպայման լինելու է, վստահ է՝ այնտեղ հարյուրավոր միլիոն դոլարների պոտենցիալ կա երկկողմ առևտրի, պարզապես ժամանակ է պահանջում:

The post Ադրբեջանական բենզինն ինչքան շատ ենք բերում, այնքան արագ է սպառվում. հենց ադրբեջանական բենզինը վերջանում է՝ մյուս բենզինը թանկանում է. Գևորգ Պապոյան appeared first on Norlur.am.

«Դիտարկվող ժամանակահատվածում նախորդ տարվա համեմատ տնտեսության ճյուղերն աճել են հետևյալ կերպ.

շինարարություն՝ 18.7%,

արդյունաբերություն՝ 10.6%,

ծառայություններ՝ 7.4%,

առևտրի շրջանառություն՝ 0.7%։

2025թ. հունվարին նախորդ տարվա նույն ամսվա համեմատ ՀՀ արտաքին առևտրաշրջանառությունը նվազել է 12%-ով. արտահանումը նվազել է 13.5%-ով, իսկ ներմուծումը՝ 11.2%-ով:

Դիտարկվող ժամանակահատվածում նախորդ տարվա համեմատ ՀՀ սպառողական շուկայում գնաճը կազմել է 3.8%»:

The post 2026թ. հունվարին նախորդ տարվա նույն ամսվա համեմատ ՀՀ-ում Տնտեսական ակտիվության ցուցանիշի հավելաճը կազմել է 7.6%, իսկ նախորդ ամսվա համեմատ գրանցվել է 48.3% անկում. կառավարություն appeared first on Norlur.am.

Այս ընկերության կառավարմանն են 30 տարով հանձնված Հայաստանի երկաթուղային ենթակառուցվածքները։ Քրեական գործից բացի, «Հարավկովկասյան երկաթուղու» 2008-2018 թթ. ներդրումների ծավալն էր ստուգել Ֆինանսների նախարարությունն ու ակտ կազմել, այժմ նախարարությունը հրաժարվում է տրամադրել ստուգման արդյունքները։ Սրան զուգահեռ՝ Կառավարության փաստաթղթերից մեկում նշվում է, որ երկաթուղու կոնցեսիան դադարեցնելու դեպքում Կառավարության պարտավորությունները առավելագույնը կարող են կազմել ավելի քան 273 մլն դոլար։

2018-ի դեկտեմբերին Քննչական կոմիտեն հայտնել էր, որ «նախաքննության ընթացքում տվյալներ են ձեռք բերվել «Հարավկովկասյան երկաթուղի» ՓԲԸ-ի կողմից ներդրումային գործընթացում չարաշահումներ կատարելու մասին»։ 2020-ի ապրիլին այս թեմային անդրադարձավ ՌԴ արտգործնախարար Սերգեյ Լավրովը` հույս հայտնելով, որ դատական գործընթացները, որ սկսվել են հայ-ռուսական համատեղ ձեռնարկությունների, այդ թվում՝ «Հարավկովկասյան երկաթուղու» դեմ, կկարգավորվեն, «առանց մեջտեղ բերելու ինչ-որ բաներ, որոնք հարիր չեն դաշնակցային հարաբերություններին»։ Այս հայտարարությունից մեկ տարի անց Քննչական կոմիտեն կարճել է քրեական գործը, որի շրջանակում Ֆինանսների նախարարության ֆինանսաբյուջետային վերահսկողության տեսչությունը ստուգումներ էր սկսել՝ ուսումնասիրելու 2008-2018-ի ընթացքում ներդրումների ծավալը, կոնցեսիոն ակտիվների և շարժակազմերի տնօրինման արդյունքում ստացված ֆինանսական միջոցների օգտագործման օրինականությունը։

Ստուգման արդյունքում ի՞նչ խախտումներ են գրանցվել. «Ազատության»- հարցմանը Ֆինանսների նախարարությունից պատասխանել են, որ նախարարի 5 հանձնարարագրերի հիման վրա 2019-ի մարտին կազմվել է ակտ։ Ստուգումներն իրականացրած ֆինանսաբյուջետային վերահսկողության վարչության (նախկինում՝ տեսչության) գործունեությունը 2025-ին դադարեցվել է, իսկ ստուգման նյութերը հանձնվել են Ֆինանսների նախարարության արխիվ, պարզաբանել են Ֆինանսների նախարարությունից ու հրաժարվել արխիվից տրամադրել ստուգման ակտը՝ համարելով, որ դրանք կարող են պարունակել գաղտնի տեղեկատվություն՝ նախաքննական, բանկային, առևտրային բնույթի։

Ավելին՝ սկզբնաղբյուրում:

The post Հայկական երկաթուղու կոնցեսիայի դադարեցումը կարժենա շուրջ 104 մլրդ դրամ. Ազատություն appeared first on Norlur.am.