Ավտովթար՝ Արարատի մարզում. «Chevrolet»-ը բախվել է հողաթմբերին և գլխիվայր շրջվել

Օգոստոսի 14-ին ավտովթար է տեղի ունեցել Արարատի մարզում։ Ժամը 20:30-ի սահմաններում «Chevrolet» մակնիշի ավտոմեքենան Երևան-Երասխ ավտոճանապարհի 7-րդ կմ հատվածում, դեպի Երասխ ընթանալիս դուրս է եկել ճանապարհի երթևեկելի գոտուց, բախվել հողաթմբերին և գլխիվայր շրջվել։

Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով ըստ նախնական տեղեկությունների բարեբախտաբար տուժածներ չկան։

Օպերատիվորեն ժամանել են ՀՀ Ներքին գործերի նախարարության ոստիկանության Պարեկային ծառայության Արարատի մարզի գումարտակի 2-րդ վաշտի պարեկները՝ գումարտակի ծառայության ավագ տեսուչներ Սահակ Թադևոսյանի և օրվա պատասխանատու Արթուր Կոծինյանի գլխավորությամբ։Վթարի փաստով ՊԾ Արարատի մարզի գումարտակում փաստաթղթեր են կազմվում, որտեղ էլ պարզում են ավտոմեքենայի սեփականատիրոջ և վարորդի  ինքնությունը։

Աղբյուր՝ 24News.am