Առաջիկայում Հայաստան կժամանեն թմրամիջոցների դեմ պայքարի մասնագետներ․ Արթուր Պողոսյան
Հայաստան17:28 | նոյեմբերի 3, 2026Առաջիկայում Հայաստան կժամանեն թմրամիջոցների դեմ պայքարի մասնագետներ․ Արթուր Պողոսյան
լսել հոդվածըԿիսվել
նախընտրելի դարձնել
<!—>]—>
ԱՄՆ կատարած այցի ընթացքում մեզ հաջողվել է պայմանավորվածություն ձեռք բերել թմրամիջոցների դեմ պայքարում մասնագիտացած ստորաբաժանումների հետ։ Այս մասին նոյեմբերի 3-ին խորհրդարանական մշտական հանձնաժողովների համատեղ նիստում՝ 2027 թվականի պետական բյուջեի նախագծի քննարկման ժամանակ, հայտարարել է Քննչական կոմիտեի նախագահ Արթուր Պողոսյանը՝ պատասխանելով ընդդիմադիր «Ուժեղ Հայաստան» խմբակցության պատգամավոր Դավիթ Ղազինյանի հարցերին։
Նրա խոսքով՝ շուտով ԱՄՆ-ից Հայաստան կժամանեն մասնագետներ և կքննարկեն այս ուղղությամբ հետագա աշխատանքը։
Ղազինյանը մտահոգություն է հայտնել թմրամիջոցների տարածման և զենքի ապօրինի շրջանառության առնչությամբ։ Պատգամավորը հարցրել է, թե ինչ քայլեր է ձեռնարկում Քննչական կոմիտեն՝ իրավիճակը փոխելու համար։ Նա ընդգծել է թմրամիջոցների խոշոր մատակարարների և հանցավոր շղթաների բացահայտման կարևորությունը։
Պողոսյանը նշել է, որ առաջնահերթ խնդիրներից մեկը Հայաստանում թմրամիջոցների ներթափանցումը կանխելն է։
«Գլխավոր խնդիրը թմրամիջոցների շրջանառությունն անմիջապես մաքսանենգության պահին կանխելն է, որպեսզի դրանք չներթափանցեն Հայաստանի Հանրապետության տարածք և չսկսեն տարածվել փոքր խմբաքանակներով։ Չէ՞ որ այդ դեպքում դրանք հայտնաբերելը զգալիորեն ավելի դժվար կլինի։ Այսինքն՝ մեր խնդիրն է դա կանխել հենց սկզբնական փուլում», — նշել է Քննչական կոմիտեի նախագահը։
Նա նաև ընդգծել է, որ գրանցված դեպքերի վիճակագրությունը չի արտացոլում ամբողջական պատկերը։ Ի թիվս այլ հանգամանքների՝ պետք է հաշվի առնել նաև այդ հանցագործությունների լատենտ՝ թաքնված բնույթը։
Պողոսյանի խոսքով՝ թեև վիճակագրական տվյալները վկայում են թմրամիջոցների և զենքի ապօրինի շրջանառության դեպքերի թվի նվազման մասին, միայն դրանց հիման վրա իրավիճակը գնահատելը բավարար չէ։
<!—>
Հասանելի է
[—>русский
Տեղադրություն
Անձ
Թեմա
Թմրամիջոցների ապօրինի շրջանառություն
Կազմակերպություն
Աղբյուրը՝ NEWS.am
