Բաժին : Հասարակություն
Քիմ Քարդաշյանը համացանցի «ամենավտանգավոր» աստղ է ճանաչվել
Կիբեռանվտանգության հարցերով զբաղվող McAfee ընկերության անցկացրած ուսումնասիրության արդյունքում պարզվել է, որ ամերիկահայ հեռուստաաստղ Քիմ Քարդաշյանը համացանցում որոնման համար ամենավտանգավոր աստղն է:
Ինչպես նշում է BBC-ն, մասնագետները պարզել են՝ վիրտուալ տիրույթում որ աստղերի անվան որոնման դեպքում է «ճանապարհը» տանում դեպի վիրուսակիր կայքեր:
Արդյունքում պարզվել է, որ նրանց շարքում ամենավտանգավորը 37-ամյա հայուհին է: Նրան հաջորդում է մոդել Նաոմի Քեմփբելը, մինչդեռ եռյակը եզրափակում է Քորթնի Քարդաշյանը:
Աղբյուրը մանրամասնում է, որ հետազոտությունն անցկացվել է միայն բրիտանացի օգտատերերի շրջանում:
Մասնագետների խոսքով՝ կիբեռհանցագործները հայտնիներին օգտագործում են օգտատերերին խաբելու, վտանգավոր կայքեր տանելու համար: Հայտնի է, որ այդ կայքերը վիրուս են տարածում, գողանում են օգտատերերի անձնական տվյալներն ու գաղտնաբառերը: