Բաժին : Սպորտ/Life
Ազատ ոճային հայ ըմբիշները 1 ոսկե և 2 բրոնզե մեդալ են նվաճել դպրոցականների Եվրոպայի առաջնությունում
Հունգարիայի Դյոռ քաղաքում մեկնարկել է ըմբշամարտի Եվրոպայի դպրոցականների առաջնությունը։
Հայ ազատ ոճային ըմբիշներին հաջողվել է 3 մեդալ նվաճել, հայտնում է ըմբշամարտի ֆեդերացիայի պաշտոնական կայքը:
48 կգ քաշային Եվրոպայի դպրոցականների առաջնության հաղթող է դարձել Մուշեղ Մկրտչյանը։ Նա եզրափակչում 4:1 հաշվով առավելության է հասել թուրք Մետին Կարաբեյիկի նկատմամբ։
Բրոնզե մեդալներ են նվաճել մինչեւ 44 կգ քաշային կարգի Վարդան Ամիրխանյանը և Դավիթ Մարգարյանը (62 կգ)։ Նրանք հաղթել են համապատասխանաբար Ադրբեջանի և Իսրայելի ներկայացուցիչներին։
Այսօր պայքարի մեջ են մտել հունահռոմեական ոճի ըմբիշները։