Բաժին : Սպորտ/Life
Ըմբշամարտի Մ23 տարեկանների ԵԱ. Հովհաննես Մխիթարյանը` բրոնզե մեդալակիր
Ստամբուլում կայացած ըմբշամարտի մինչև 23 տարեկանների Եվրոպայի առաջնությունում Հայաստանի ներկայացուցիչ, ազատ ոճային Հովհաննես Մխիթարյանը ևս դարձել է բրոնզե մեդալակիր:
86 կգ քաշային Մխիթարյանը փոքր եզրափակչում շանս չի տվել ռումինացի Միհայի Պալաղիային՝ 10։0։
Այս մասին հայտնում է Հայաստանի ըմբշամարտի ֆեդերացիայի պաշտոնական կայքը:
Բրոնզե մեդալակիր էր դարձել նաև ազատ ոճային Գևորգ Մխեյանը, ով վճռորոշ գոտեմարտում հաղթել էր Ադրբեջանը ներկայացնող Պանահ Իլյասլին` 6:2 հաշվով:
Հիշեցնենք, որ ավելի վաղ հունահռոմեական ոճի մեր ըմբիշները նվաճել էին 3 բրոնզե մեդալ։