Բաժին : Հասարակություն
Ղրիմի կամուրջը չի հայտնվել Google-ի քարտեզներում
Ղրիմի կամուրջը, որի պաշտոնական բացումը մայիսի 15-ին արել է ՌԴ նախագահ Վլադիմիր Պուտինը, դեռևս չի հայտնվել Google Maps քարտեզում:
Ինչպես հայտնում է РИА Новости-ն, այս փաստին ուշադրություն են դարձրել և մատնացույց արել համացանցի օգտատերերը:
Նրանցից մեկը նշել է, որ կառույցի մասին մատնանշում հայտնվել է արդեն «Յանդեքս. Քարտեզ» ծառայությունում:
Ոմանք ուշադրություն են հրավիրել այն հանգամանքի վրա, որ Google Maps ծառայությունը նորակառույց կամրջով անցնող երթուղի չի նշում:
Ղրիմի կամրջի հանդիսավոր բացումը կայացել է մայիսի 15-ին: Բացումն արել է Պուտինը՝ ԿամԱԶ մակնիշի մեքենայի ղեկին նստած՝ գլխավորելով 30 բեռնատարներից կազմված շարասյան երթը:
Մայիսի 16-ից կամրջով մարդատար ավտոմեքենաների և ավտոբուսների երթևեկությունն է սկսվել: 2018-ի աշնանը կմեկնարկի նաև բեռնատարների երթևեկությունը, իսկ 2019 թվականից՝ գնացքների:
http://www.tert.am/files/001/1/1/3/6/DdTp5khW4AAzFrk_1.jpg?1526480088397 alt="" width="600" height="1025" />