// Օրակարգում է շենքերի էներգախնայողության հարցը. քաղաքաշինության կոմիտե

Օրակարգում է շենքերի էներգախնայողության հարցը. քաղաքաշինության կոմիտե

ՀՀ քաղաքաշինության կոմիտեի նախագահի խորհրդական Արմեն Մինասյանն ընդունել է Եվրոպայի ջերմամատակարարման, օդափոխության և լավորակ օդի մատակարարման եվրոպական ֆեդերացիայի արտաքին կապերի ղեկավար Յափ Հոխլինին, արևային էներգիայի ոլորտի հայաստանյան մի շարք ընկերությունների ներկայացուցիչների:

Հանդիպումը դեռևս 2017 թվականի հոկտեմբերի 30-31-ը Ժնևում կայացած ՄԱԿ-ի Բնակարանաշինության և հողերի կառավարման կոմիտեի և Կայուն էներգիայի Կոմիտեի հետ համատեղ հիմնած էներգաարդյունավետության ստանդարտների միասնական աշխատանքային խմբի հանդիպման ընթացքում ձեռք բերված պայմանավորվածությունների համատեքստում էր:

Արդյունքում, ըստ Ա. Մինասյանի՝ Հայաստանում կստեղծվի կազմակերպություն, որի ներքո կհամախմբվեն էներգիայի արտադրության ոլորտի մասնագետներ՝ համագործակցության դաշտ ձևավորելով միջազգային նմանատիպ կազմակերպությունների հետ:

 Մասնավորաբար, Հայաստանը, լինելով Եվրոպական միության ընտանիքի անդամ, կարող է որոշակի ստանդարտներ սահմանելով համագործակցության արդյունքում ներդրումներ ներգրավել ոլորտ: Ներկաները պատրաստակամություն են հայտնել ոչ միայն համագործակցության, այլև փորձի փոխանակման համար:

Տեղեկացնենք, որ ՄԱԿ-ի եվրոպական տնտեսական հանձնաժողովի և ՄԱԿ-ի զարգացման ծրագրի հայաստանյան գրասենյակի նախաձեռնությամբ և Հայաստանի աջակցությամբ մայիսի 14-16-ը մեկնարկել է շենքերի էներգաարդյունավետության ստանդարտների քարտեզագրման վերաբերյալ երկրորդ համաժողովը, որին մասնակցում են ոլորտի մասնագետներ տարբեր երկրներից:

 

Գրեք մեկնաբանություն և եղեք ակտիվ
By | 2018-05-16T19:49:01+00:00 Մայիսի 16 19:49|Լուրեր|0 Comments

Leave A Comment