Վլադիմիր Գասպարյանի գլխավորած ոստիկանությունը մարդ չի սպանել

Փաստն այն է, որ Վլադիմիր Գասպարյանի՝ Հայաստանի ոստիկանապետ նշանակվելուց ի վեր Հայաստանում տեղի է ունեցել բազմաթիվ մասսայական ցույցեր և հավաքներ, անգամ զինված հարձակում ոստիկանական գնդի վրա, բայց ոստիկանության գործողությունների արդյունքում, որոնք միտված են եղել պաշտպանելու մեր երկրի օրինականությունն ու սահմանադրական կարգը, որևէ մարդ չի զոհվել: Ներեցեք, սխալվեցի զոհվել են , բայց ոստիկաններ՝ Հայաստանի Հանրապետությանը ծառայելիս, օրենքով սահմանված պարտականությունները կատարելիս: Վլադիմիր Գասպարյանի գլխավորած ոստիկանությունում ոստիկանության բաժանմունքներում մարդ չի սպանվել , քանզի իր նշանակման առաջին իսկ պահից գեներալ Գասպարյանը հսկայածավալ բարեփոխումներ սկսեց ոստիկանությունում՝ յուրաքանչյուր ոստիկանի ներսում ամրացնելով այն գաղափարը, որ սոստիկանությունը դա պետությունն է և ոստիկանությունը ծառայում է ոչ թե իշխանությանը, այլ՝ պետությանն ու օրենքին : Փաստ է նաև այն, որ մեր ոստիկանները նույնիսկ « Սասնա Ծռերի» անդամներին, ովքեր զենք էին բարձրացրել մեր պետականության դեմ և սպանել հայ ոստիկանների, պրոֆեսիոնալ գործողություններով վնասազերծեցին, բայց չսպանեցին նրանց: Սա խոսում է մի բանի մասին, որ Վլադիմիր Գասպարյանին հաջողվել է ստեղծել ոստիկանի մի տեսակ, որ պատրաստ է զոհել իր կյանքը, բայց երբեք չսպանել այն ժողովրդին, ում ինքը պաշտպանում է: Ի դեպ փաստ է նաև այն, որ բոլոր ցույցերի և հավաքների ժամանակ ցուցարարները միշտ էլ կոչով դիմել են ոստիկաններին՝ դավաճանել սեփական կոչմանն ու միանալ ցուցարարներին, բայց ծառայության մեջ գտնվող որևէ ոստիկան երբեք չի դավաճանել Հայաստանի Հանրապետությանը: Ինչ էլ խոսեք ես ներկայացրել եմ պարզ փաստեր, որոնք ցանկացած հայի պետք է հպարտություն ներշնչի, որ Վլադիմիր Գասպարյանին հաջողվել է նման որակի ոստիկանական համակարգ ձևավորել: Նաև ցանկանում եմ հիշեցնել, որ տարիներ առաջ Երևանում տեղի ունեցած հանրահավաքներից մեկի ժամանակ Վլադիմիր Գասպարյանը հանդես եկավ աննախադեպ քայլով, երբ հանրահավաքի դուրս եկած մեր հայրենակիցներին խաղաղեցրեց Աստծո խոսքով... Էլ չեմ խոսում այն մասին, որ նաև մեր ոստիկանության պրոֆեսիոնալ աշխատանքի շնորհիվ է, որ Հայաստանը համարվում է աշխարհի ամենաանվտանգ երկրներից մեկը տուրիստների համար: Կարծում եմ պետք է նկատել և գնահատել մեր ձեռքբերումներն ու առանց վախենալու բարձրաձայնել դրանք...