Բաժին : Քաղաքականություն
Կարեն Կարապետյանը ունի լեգիտիմ իշխանություն
Փաստն այն է, որ Հայաստանի քաղաքացիների ճնշող մեծամասնությունը մեծ խանդավառությամբ ընդունեց Կարեն Կարապետյանի վերադարձն ու վարչապետ նշանակվելը՝ նրա հետ կապելով հաճախ նաև անհավանական թվացող հույսեր: Արդեն վարչապետ Կարեն Կարապետյանի վարկանիշն այնքան բաձր էր , որ հենց նրան վստահվեց խորհրդարանական ընտրությունների ժամանակ առաջնորդել ՀՀԿ քարոզարշավը և խորհրդարանական քարոզարշավի ժամանակ շատ քաղաքացիներ հնչեցնում էին տեսակետ,որ իրենք իրենց ձայնը ՀՀԿ-ին են տալիս Կարեն Կարապետյանի խաթր:
Նախորդ ընտրություններին շատ-շատերը ընտրեցին ՀՀԿ-ին միայն այն բանի համար, որ Կարեն Կարապետյանը մնա վարչապետ :
Կարեն Կարապետյանն էլ իր հերթին թե՛ մինչ խորհրդարանական ընտրությունները, թե՛ ընտրություններից հետո կայացնում էր որոշումներ և կատարում քայլեր, որպեսզի հուսախաբ չաներ իրեն ընտրող քաղաքացիներին, և հենց այդ որոշումների և քայլերի արդյունքում Կարեն Կարապետյանին հաջողվեց ապահովել մեր օրերի համար աննախադեպ տնտեսական աճ՝ 7,5 տոկոսանոց , նոր ներդրումներ բերել Հայաստան,ակտիվացնել Հայաստանից արտահանումն ու ներկրումը, կատաղի պայքար ծավալել կոռուպցիոն ռիսկերի և կաշառակերության դեմ , ապաքաղաքականացնել վարչապետի պաշտոնը և հավասար աչքով նայել գործարարներին (ՊԵԿ-ը Վարդան Հարությունյանի գլխավորությամբ սկսեց ստուգումներ կատարել և հարկային հավասար դաշտ բերել նաև հանրապետական գործարարների բիզնեսները, ինչպես նաև էականորեն նվազեցնել կոռուպցիոն ռիսկերը հարկային և մաքսային համակարգում), քանդել ուռճացված պետական համակարգը, որտեղ հիմնականում աշխատում էին հանրապետականները կամ նրանց բարեկամները ….
Փաստն այն է, որ Կարեն Կարապետյանը ժողովրդին խոստացած տնտեսական ակտիվությունն ու աճը ապահովել է , որը շարունակվում է նաև այս տարի և ընթացիկ տարվա վերջին մի քանի ամիսների ընթացքում Հայաստանում արդեն գրանցվել է ավելի քան 10 տոկոսանոց տնտեսական աճ: Եվ ահա Սերժ Սարգսյանի վարչապետի պաշտոնից արժանապատիվ հեռանալուց հետո Հանրապետականն ունի բոլոր իրավական և բարոյական հիմքերը ժողովրդի մեծամասնության կողմից հարգված և քվե ստացած Կարեն Կարապետյանին վերադարձնելու վարչապետի պաշտոնը :
Կարեն Կարապտյանի վարչապետությունը լինելու է լեգիտիմ և եթե առաջիկա օրերին տեղի ունենալիք քվեարկության ժամանակ ՀՀԿ-ի խորհրդարանական ֆրակցիան և նրա գործընկեր ՀՅԴ-ն վստահության քվե տան Կարեն Կարապետյանին և ընտրեն վարչապետ սա լինելու է նաև Հայաստանի քաղաքացիների մեծամասնության դիրքորոշումը :
Իսկ թե ինչու հանրապետականներն ու Կարեն Կարապետյանը ոչ թե Կարեն Կարապետյանին, այլ Սերժ Սարգսյանին առաջարկեցին լինել վարչապետ դա ՀՀԿ-ի ներքին խնդիրն էր , որն այլևս ակտուալ հարց չէ, քանզի Սերժ Սարգսյանը, տեղիք տալով Նիկոլի շանտաժներին, հեռացավ վարչապետի պաշտոնից՝ ապրիլի 24-ի նվիրական օրը մեր պետականությունը չխայտառակելու և մեր քաղաքացիների արյունը չթափելու տեսլականով մտահոգված :
Երբ վաղը Նիկոլ Փաշինյանը նստի Կարեն Կարապետյանի հետ երկխոսության սեղանին, նա պետք է իր մեջ քաղաքական կամք գտնի ոչ թե ուլտիմատումների և շանտաժի լեզվով խոսելու, այլ իսկապես երկխոսելու, քաջ գիտակցելով, որ նստած է Հայաստանի քաղաքացիների մեծամասնության կողմից քվե ստացած, տնտեսական ռեալ բարեփոխումներ կատարած և տնտեսական աճ ապահովված գործչի դիմաց :
