Բաժին : Սպորտ/Life
Ռոբերտ Հովհաննիսյանն ընթանում է Եվրոպայի առաջնության առաջատարների խմբում
Բաթումում տեղի է ունեցել Եվրոպայի շախմատի անհատական առաջնության 3-րդ տուրը:
Առաջատարների խմբում ընթացող Ռոբերտ Հովհաննիսյանը գեղեցիկ ոճով հաղթանակ է տոնել Ուկրաինան ներկայացնող գրոսմայստեր Յուրի Կուզուբովի նկատմամբ, հայտնում է Հայաստանի շախմատային ֆեդերացիայի պաշտոնական կայքը:
2-րդ տուրից հետո առաջատարների խմբում ընթացող գրոսմայստերներ Գաբրիել Սարգսյանը, Հրանտ Մելքումյանը և Հայկ Մարտիրոսյանն իրենց պարտիաներն ավարտել են հաշտությամբ, իսկ ՖԻԴԵ-ի վարպետ Վահե Դանիելյանը պարտվել է մրցաշարի ֆավորիտներից մեկին՝ Չեխիան ներկայացնող հանրահայտ գրոսմայստեր Դավիդ Նավարային:
3-րդ տուրից հետո Ռոբերտ Հովհաննիսյանը, Ջոնս Գավայնը, Մարին Բոսիոչիչը, Ալեքսանդր Ինջիչը, Դանիելե Վոկատուրին և Յուրի Սկոբեռնը վաստակել են 3-ական միավոր և գլխավորում են աղյուսակը:
2.5-ական միավոր վաստակած Գաբրիել Սարգսյանը, Հրանտ Մելքումյանը և Հայկ Մարտիրոսյանը ընթանում են առաջատարներին հետապնդողների խմբում:
Հայաստանի մասնակիցների արդյունքներին կարող եք ծանոթանալ այստեղ:
Այսօր տեղի կունենա մրցաշարի 4-րդ տուրը: Պարտիաները կմեկնարկեն Երևանի ժամանակով 15:00-ին