Բաժին : Մամուլի տեսություն
«Իրավունք». «Ելքում» ելքեր չեն գտնում. որոշվել է, որ խմբակցության անդամ կուսակցություններից յուրաքանչյուրը կարող է առանձին որոշում կայացնել
«ԱԺ «Ելք» խմբակցությունն առաջիկա անելիքները քննարկելու և որոշում կայացնելու համար կրկին նիստ էր հրավիրել: Ինչպես պարզվեց նիստից հետո, որոշում է կայացվել, որ խմբակցության ներսում գտնվող յուրաքանչյուր կուսակցություն կարող է առանձին որոշում կայացնել: Այս մասին հայտարարեց խմբակցության ղեկավար Նիկոլ Փաշինյանը. «Որոշել ենք, որ կուսակցությունից յուրաքանչյուրն այս իրավիճակում կարող է իր անելիքների վերաբերյալ ունենալ պատկերացումներ և որոշումներ, որոնք 100 տոկոսով չեն համընկնում գործընկերների որոշումների և ծրագրերի հետ: ԱԺ քառօրյային «Ելքը» կշարունակի իր բնականոն աշխատանքը, և մենք կշարունակենք մեր քննարկումները: Եթե մինչև այս ասում էի, որ դաշինքի ներսում կուսակցություններն առանձին որոշումներ չեն կայացնելու, ապա այսօր դաշինքային ձևաչափով խորհրդակցությունը խոչընդոտ չէ, որպեսզի կուսակցություններն առանձին իրենց համար որոշումներ կայացնեն»,- նշեց Ն. Փաշինյանը:
Այն, որ «Ելքի» ներսում ամեն ինչ չէ, որ խաղաղ ու հարթ էր ընթանում, ակնհայտ էր դառնում նաև ԱԺ քառօրյա նիստերի ժամանակ, երբ խմբակցության պատգամավորները ժամանակ առ ժամանակ չէին կիսում «Ելքի» իրենց գործընկերների տեսակետները և դրանց մասին բարձրաձայնում ԱԺ ամբիոնից»,-գրում է թերթը:
Նյութն ամբողջությամբ կարդացեք թերթի այսօրվա համարում:
