/// Վարչապետը կոչ արեց այլընտրանքային էներգիա առաջարկել այն սահմանամերձ բնակավայրերին, որոնց գազաֆիկացումն անտրամաբանական ծախսեր է պահանջում

Վարչապետը կոչ արեց այլընտրանքային էներգիա առաջարկել այն սահմանամերձ բնակավայրերին, որոնց գազաֆիկացումն անտրամաբանական ծախսեր է պահանջում

Այսօր կառավարության նիստում տարածքային կառավարման և զարգացման նախարար Դավիթ Լոքյանը ներկայացրեց համայնքներին գույք նվիրաբերելու մասին որոշման նախագիծը, որի արժեքը կազմում է 6 միլիարդ դրամ: «Դա հիմնականում 15 համայնքներին փոխանցվող գույք է ՝ գազատար և ոռոգման համակարգեր: Նախադեպը շատ լավն է, որովհետև մենք այսպիսի խոշորածավալ ակտիվ կապիտալ չենք փոխանցել համայնքներին: Սրանով մենք համայնքների համար կարող ենք սկիզբ դնել լուրջ ֆինանսական գործընթացի՝ համայնքային վարկավորմանը»,- ասաց նախարարը:

Անդրադառնալով սահմանամերձ համայնքներում գազի հասանելիության ներքին չլուծված խնդրին` հատկապես Կոթի, Ոսկևան, Ոսկեպար համայնքների համար, խնդրեց էներգետիկ ենթակառուցվածքների նախարարին լուծումներ գտնել:

Այնուհետև վարչապետ Կարեն Կարապետյանը` դիմելով էներգետիկ ենթակառուցվածքների նախարարին, ասաց. «Պարո՛ն Մանուկյան, սահմանամերձ բնակավայրերի համար մենք հատուկ ռեժիմ պետք է սահմանենք, որ այն բնակավայրերը, որոնց մոտ գազաֆիկացումն անտրամաբանական ծախսերի հետ է կապված, առաջարկենք այլընտրանքային էներգիա: Խնդրում եմ քննարկել բոլոր տարբերակները, եթե գազի խնդիրը շատ չի տարբերվում ծախսի առումով, ապա խնդրենք «Գազպրոմ-Արմենիային», որ այս բնակավայրերի համար հատուկ ռեժիմ սահմանի»,- ասաց նա:

Գրեք մեկնաբանություն և եղեք ակտիվ
By | 2017-10-12T15:56:30+00:00 Հոկտեմբերի 12 15:56|Կառավարություն|Մեկնաբանությունները կասեցված են Վարչապետը կոչ արեց այլընտրանքային էներգիա առաջարկել այն սահմանամերձ բնակավայրերին, որոնց գազաֆիկացումն անտրամաբանական ծախսեր է պահանջում-ում
//
//