Բաժին : Քաղաքականություն
«Ապա ո՞նց կարող էր թույլ տալ, որ Գագիկ Խաչատրյանը թողնի ու հեռանա»
«Եթե իշխանությունն ուներ քաղաքական կամք, ապա ո՞նց կարող էր թույլ տալ, որ Գագիկ Խաչատրյանը, ով ամբողջ հանրապետությունում հայտնի է որպես կոռուպցիոներ, ուղղակի պաշտոնազուրկ լինելուց հետո թողնի ու հեռանա: Եթե իշխանության ներսում կա 1 տոկոս քաղաքական կամք կոռուպցիայի դեմ պայքարելու, ապա պիտի քննավեր, և այդ մարդը պիտի պատասխանատվության ենթարկվեր»,- ասաց Կոնգրես-ՀԺԿ դաշինքով առաջադրված պատգամավորի թեկնածու Արման Մուսինյանը:
Ըստ նրա, հասարակության ցանկացած խնդրի մեջ իշխանությունն իրեն չի տեսնում ու դուրս է դնում այդ ամենից: «Արտագաղթը վերցրեք, անվտանգությունը վերցրեք, բոլոր ոլորտներում հետընթացն ակնհայտ է, բոլոր ոլորտներում ձախողում է»:
Նա հավելեց նաև, որ Արթուր Սարգսյանի մահվան մեջ էլ են կեղեքիչ իշխանավորները մեղավոր:
