Բաժին : Քաղաքականություն
Վարդան Ղուկասյանը չի ապտակել
Գյումրու նախկին քաղաքապետ, «Ծառուկյան» դաշինքով ընտրություններին Շիրակի ընտրատարածքից մասնակցող թեկնածու Վարդան Ղուկասյանը Norlur.am-ի հետ զրույցում հերքեց այն լուրերը, թե իր ու ՀՀԿ-ական, նույն ընտրատարածքում առաջադրված Սուքիաս Ավետիսյանի միջև միջադեպ է եղել: «Հերյուրանքներ են, նման բան չկա»,-ասաց նա:
Ավելիին Վ. Ղուկասյանը մեղադրեց լրագրողներին` ասելով, թե նրանց դուր չի գալիս, որ իրենց մարզում ամեն ինչ հանգիստ է, և որ լարվածություն չկա: «Սիրտներդ կանգնում է, չգիտեք ինչ անեք, ոնց խառնեք»,-ասաց նա:
Ըստ մամուլի` Վարդան Ղուկասյանն ապտակել էր Սուքիաս Ավետիսյանին:
