/, Կարևոր, Հայաստան, Հասարակություն, Շոուբիզնես, Քաղաքականություն/ «Ինչ անում են, իրենց են անում, լավ գիտեն, ամեն ինչ փողով չի էլի»

«Ինչ անում են, իրենց են անում, լավ գիտեն, ամեն ինչ փողով չի էլի»

«Ես չեմ կարղ որևէ մեկի կարծիքը փոխել, կամ ասել` ամոթ քեզ, այս ի՞նչ քարոզարշավի ես մասնակցում: Ամեն մարդ իր նախասիրություններն ու համոզմունքներն ունի, իրանք պիտի հասկանան` ճիշտ են անում, թե սխալ, որ մասնակցում են որևէ քարոզարշավի, ես իմ համոզումն ունեմ, գիտեմ` որտեղ մասնակցեմ, որտեղ չմասնակցեմ, ինչ երգեմ, ինչ չէ»,-Norlur.am-ի հետ զրույցում ասաց երգիչ Արթուր Իսպիրյանը` անդրադառնալով քննադատություններին, որոնք ուղղված են «Հանրապետականի» քարոզչության մասնակցող երգիչներին, հաղորդավարներին:

Նա նշեց, որ իր սիրած երգիչը` Սթիվի Վոնդերը, գովաբանում էր Օբամային ընտրությունների ժամանակ, սակայն դա չի նշանակում, որ պիտի աչքից գցեր նրան: «Հիմա ես ի՞նչ անեմ, Սթիվի Վոնդերի երաժշտությունը չլսեմ, եթե նույնիսկ Օբամային չէի ընդունում կամ ընդունում էի որպես նախագահ, Սթիվի Վոնդերն իր քարոզարշավի համար առաջին քարոզիչն է եղել, նույնիսկ ԱՄՆ-ում հեռախոսներին մեսիջ է ուղարկել` բարև Ձեզ, ես Սթիվի Վոնդերն եմ ու իմ ձայնը տալու եմ թեկնածու Օբամային, ու ինքն էլ լավ նախագահ է լինելու»,-պատմեց Արթուր Իսպիրյանը:

Վերջինս նկատեց, որ նույնն էլ վերաբերում է Լեդի Գագային, վերջինս էլ էր մասնակցում քարոզարշավին:

Հարցին, թե նշանակում է սա, որ մեր հասարակությունը ծայրահեղական է, երգիչը պատասխանեց. «Չեմ կարող համեմատել մեր հասարակությունը ԱՄՆ-ի կամ Ֆրանսիայի հասարակության հետ, քանի որ մեզ մոտ շատ տարբեր է ընտրական քարոզարշավն էլ, կուլտուրան էլ, ինտելեկտը, մենք շատ փոքր երկիր ենք ու շատ վատ բաներ ենք տեսնում, դրա համար մարդկանց մոտ կարող է զայրույթ առաջացնի, ասեն` այս կուսակցությունն ի՞նչ է արել ժողովրդի համար բացի վատից, որ դուք էլ հիմա գնում եք, իրան եք քարոզում, կամ այս թեկնածուն ի՞նչ է արել, ընդհանրապես չենք ճանաչում, մարդիկ չեն ճանաչում, չեն իմանում` ով է, ինչ է, ոնց կարող են ընտրել, ես չեմ հասկանում:

Մի օր է գալիս, որ հայտնվում են իրենք, իրենց գլուխներն ենք տեսնում, ու գրում են, որ այս ինչ թեկնածուն ամեն ինչ կանի կամ գնում են բակեր, կեղծ ձևով, մի 2 կոպեկ փող են տալիս, որ գան, մի 2 տատիկներ էլ փաթաթվում են, համբուրում են այդ թեկնածուին, իբր թե ճանաչում են, թե լավ գործ է արել:
Այնքան խառն է, պարզ չէ, թե ով ում բարեկամն է, ինչ է արել, բայց երգիչներին ոչ կարող եմ խորհուրդ տալ, ոչ էլ քննադատել. իրենք իրենց խելքն ունեն, փորձն ունեն, ամեն ինչ տեսնում են, թե ով է երկրի թշնամին ու բարեկամը, ինչ անում են, իրենց են անում, լավ գիտեն, ամեն ինչ փողով չի էլի»,-եզրափակեց Արթուր Իսպիրյանը:

Գրեք մեկնաբանություն և եղեք ակտիվ
By | 2017-03-11T17:28:34+00:00 Մարտի 11 17:27|Լուրեր, Կարևոր, Հայաստան, Հասարակություն, Շոուբիզնես, Քաղաքականություն|Մեկնաբանությունները կասեցված են «Ինչ անում են, իրենց են անում, լավ գիտեն, ամեն ինչ փողով չի էլի»-ում
//
//