Լատվիայում նոր իշխող կոալիցիա է ձևավորվել

Ընտրություններ22:30 | նոյեմբերի 16, 2026Լատվիայում նոր իշխող կոալիցիա է ձևավորվել
լսել հոդվածըԿիսվել նախընտրելի դարձնել
<!—>]—>
Գործող վարչապետ Անդրիս Կուլբերգսը, որի կուսակցությունը մեկուկես ամիս առաջ տեղի ունեցած ընտրություններում հաղթել էր ռեկորդային առավելությամբ, հայտարարել է, որ կոալիցիայում իր կուսակցության գործընկերը կլինի «Ազգային միավորումը»։
«Միացյալ ցուցակը» համարվում է չափավոր պահպանողական, իսկ «Ազգային միավորումը», որի հետ դիրքորոշումների մոտ լինելու մասին հայտարարել է Կուլբերգսը՝ ավելի արմատական, հաղորդում է BBC-ն։ Այն հանդես է գալիս ներգաղթյալների դեմ և ռուսերենի կիրառման կրճատման օգտին. այդ լեզվով խոսում է Լատվիայի բնակչության ավելի քան մեկ երրորդը։
Ներքին գործերի նախարարի պաշտոնում կմնա «Ազգային միավորման» ներկայացուցիչ Յանիս Դոմբրավան, որը ներգաղթյալների փաստաթղթերը ստուգելու նպատակով ստուգայցեր էր անցկացնում և ենթակա հիմնարկների աշխատակիցներին պարտավորեցրել էր աշխատավայրում շփվել միայն լատվիերեն։ Պաշտպանության նախարարությունը կշարունակի ղեկավարել անկուսակցական գնդապետ Ռայվիս Մելնիսը, որի նշանակման պատճառով անցյալ տարվա գարնանը՝ անօդաչու թռչող սարքերի հարուցած ճգնաժամից հետո, տապալվել էր Լատվիայի նախորդ՝ պայմանականորեն լիբերալ կառավարությունը։
Նախկին իշխող «Նոր միասնություն» կուսակցությունը, որը գարնանը Մելնիսի նշանակման պատճառով հակասությունների մեջ էր մտել կոալիցիոն գործընկերների հետ, այժմ կլինի ընդդիմությունում։
Այդուհանդերձ, Կուլբերգսը խոստացել է սերտորեն համագործակցել նաև ընդդիմության հետ. խորհրդարանում կոալիցիայի առավելությունն աննշան է՝ 100 տեղից 51-ը։
<!—>
Հասանելի է
[—>русский
Թեմա
ԸնտրություններԿառավարության ձևավորումՔաղաքականություն
Տեղադրություն
Աղբյուրը՝ NEWS.am
