Աշտարակի խճուղում ապօրինի արդյունահանման հետևանքով պետությանը պատճառված 10 մլն դրամի վնասը վերականգնվել է

Հայաստան11:27 | նոյեմբերի 16, 2026Աշտարակի խճուղում ապօրինի արդյունահանման հետևանքով պետությանը պատճառված 10 մլն դրամի վնասը վերականգնվել է
լսել հոդվածըԿիսվել նախընտրելի դարձնել
<!—>]—>
ՀՀ քննչական կոմիտեի Կոտայքի մարզային քննչական վարչությունում քննվող քրեական վարույթի նախաքննության ընթացքում առերևույթ փաստական տվյալներ են ձեռք բերվել այն մասին, որ ընկերության տնօրենը, 2023 թվականի հունվարից խախտելով ընդերքի պահպանման և օգտագործման կանոնները, Եղվարդ համայնքի Աշտարակի խճուղու հասցեում՝ 3.1 հա մակերեսով տարածքում, ունենալով հանքարդյունահանում իրականացնելու թույլտվություն, հարակից շուրջ 4.9 հա մակերեսով համայնքային սեփականություն հանդիսացող հողատարածքից և քաղաքացուն սեփականության իրավունքով պատկանող շուրջ 13 հա մակերեսով հողատարածքներից փաստացի իրականացրել է անդեզիտաբազալտի ապօրինի արդյունահանում: Այդ մասին NEWS.am–ին հայտնում են ՔԿ-ից:
Մասնավորապես՝ նշված ժամանակահատվածում արդյունահանել է շուրջ 13.000 խմ անդեզիտաբազալտի հանույթ, որն իրացրել է տարբեր ֆիզիկական և իրավաբանական անձանց, ինչի հետևանքով պետության և համայնքի օրինական շահերին պատճառվել է առանձնապես խոշոր չափերով գույքային վնաս:
2026 թվականի հոկտեմբերին ընկերության կողմից շահագործվող տարածքում իրականացվել է դեպքի վայրի զննություն, որի ընթացքում վարույթն իրականացնող մարմնի կողմից կասեցվել է ընկերության գործունեությունը։
Նախաքննության ընթացքում պետությանը պատճառված 10 մլն ՀՀ դրամը վերականգնվել է:
Տեղադրություն
Թեմա
ՀանցագործությունԱպօրինի բիզնեսՀանքարդյունաբերություն
Կազմակերպություն
Աղբյուրը՝ NEWS.am
