Մեքսիկայում փոխհրաձգություն է տեղի ունեցել զինվորականների և կարտելի անդամների միջև. Milenio

Զինված ուժեր18:01 | նոյեմբերի 13, 2026Մեքսիկայում փոխհրաձգություն է տեղի ունեցել զինվորականների և կարտելի անդամների միջև. Milenio
լսել հոդվածըԿիսվել նախընտրելի դարձնել

<!—>

]—>

Զինվորականների և մեքսիկական կարտելի անդամների միջև զինված բախում է տեղի ունեցել, երկու մարդ զոհվել է։ Բախման մասին հայտնել է Milenio պարբերականը։

Իշխանությունների տվյալներով, որոնց վկայակոչում է պարբերականը, միջադեպը տեղի է ունեցել Մեքսիկայի Խալիսկո նահանգի Օկոտլան համայնքում։ Երկրի պաշտպանության նախարարության աշխատակիցները հաղորդում են ստացել առևանգված ավտոմեքենայի մասին և դեպքի վայր հասնելուն պես ենթարկվել հանցավոր խմբավորման ենթադրյալ անդամների հարձակմանը, որոնք զինված էին և գտնվում էին երեք ավտոմեքենաներում։

Զինվորականները սկսել են հետապնդել նրանց և բախվելով հարվածել են զրահապատ փոխադրամիջոցին, ինչից հետո փոխհրաձգություն է սկսվել։ Ինչպես գրում է պարբերականը, հարձակվողներից երկուսը զոհվել են, իսկ զինծառայողներից մեկը վիրավորվել և հոսպիտալացվել է։ Իշխանությունները նաև ձերբակալել են կասկածյալներից մեկին՝ Հոնդուրասի քաղաքացու։

Ավտոմեքենայից առգրավվել են մեքսիկական «Խալիսկոյի նոր սերունդ» կարտելին պատկանող մեկ գնդացիր, երեք հրացան և երկու նռնակ, գրում է պարբերականը։ Իրավապահ մարմինների աշխատակիցները պարեկություն են իրականացնում՝ որոնելով միջադեպից հետո փախուստի դիմած զինված խմբի մյուս անդամներին։

<!—>

Հասանելի է

[—>русский

Թեմա

Զինված ուժերՀանցագործությունՊատահարներ

Կազմակերպություն

Կարտել

Տեղադրություն

Մեքսիկա

Աղբյուրը՝ NEWS.am