Նյու Յորքի քաղաքապետը նախատեսում է լուծարել բողոքի ցույցերը ցրելու հատուկ ոստիկանական ստորաբաժանումը

Նյու Յորք14:58 | նոյեմբերի 13, 2026Նյու Յորքի քաղաքապետը նախատեսում է լուծարել բողոքի ցույցերը ցրելու հատուկ ոստիկանական ստորաբաժանումը
լսել հոդվածըԿիսվել նախընտրելի դարձնել

<!—>

]—>

Նյու Յորքի քաղաքապետ Զոհրան Մամդանին մտադիր է այս շաբաթ ներկայացնել քաղաքի ոստիկանության դեպարտամենտի ռազմավարական արձագանքման խմբի (SRG) լուծարման ծրագիրը։ Խումբը զբաղվում է բողոքի ակցիաների ժամանակ կարգուկանոնի ապահովմամբ։ Այս մասին նոյեմբերի 12-ին հայտնել է Politico թերթը՝ հղում կատարելով աղբյուրներին։

«Ակնկալվում է, որ Նյու Յորքի քաղաքապետ Զոհրան Մամդանին արդեն այս շաբաթ կներկայացնի Նյու Յորքի ոստիկանության ռազմավարական արձագանքման խմբի լուծարման ծրագիրը», — նշվել է հրապարակման մեջ։

Politico-ի զրուցակիցների տվյալներով՝ SRG-ի փոխարեն կարող է ստեղծվել նոր քաղաքացիական ստորաբաժանում, որը կզբաղվի ցույցերի ժամանակ կոնֆլիկտների լարվածության թուլացմամբ։ Ոստիկաններն այդ ընթացքում կմնան մոտակայքում և կմիջամտեն, եթե ձերբակալությունների անհրաժեշտություն առաջանա։

Ինչպես նշել է պարբերականը, հատուկ ստորաբաժանումը վաղուց է քննադատության ենթարկվում «Ամերիկայի դեմոկրատ սոցիալիստներ» կազմակերպությունը ներկայացնող Մամդանիի աջակիցների ձախ թևի կողմից։ Դժգոհությունները կապված են SRG-ի աշխատակիցների կողմից ուժի չափից ավելի կիրառման և նրանց ապօրինի գործողությունների վերաբերյալ բազմաթիվ բողոքների հետ։

Աղբյուրների տեղեկություններով՝ խմբի լուծարման որոշումը կարող է ձևակերպվել քաղաքապետի հրամանագրով՝ արդեն ուրբաթ օրը։

<!—>

Հասանելի է

[—>русский

Տեղադրություն

Նյու Յորք

Կազմակերպություն

Ոստիկանություն

Թեմա

ՔաղաքականությունԲողոքներ

Աղբյուրը՝ NEWS.am