Սերբիայում ձերբակալել են էկոնոմիկայի նախկին նախարարին՝ տասնյակ միլիոնավոր դինարների վնաս պատճառելու կասկածանքով
Կոռուպցիա21:23 | նոյեմբերի 11, 2026Սերբիայում ձերբակալել են էկոնոմիկայի նախկին նախարարին՝ տասնյակ միլիոնավոր դինարների վնաս պատճառելու կասկածանքով
լսել հոդվածըԿիսվել
նախընտրելի դարձնել
<!—>]—>
Սերբիայում ձերբակալել են էկոնոմիկայի նախկին նախարար Ռադե Բաստային՝ «Բելգրադյան էլեկտրակայաններ» կոմունալ ձեռնարկությանը տասնյակ միլիոնավոր դինարների վնաս պատճառելու կասկածանքով, հայտնում են սերբական Tanjug լրատվական գործակալությունն ու RTS պետական հեռուստաալիքը։
Բաստային ձերբակալել են առավոտյան Բելգրադի՝ Նիկոլա Տեսլայի անվան օդանավակայանում՝ Բելգրադի բարձրագույն դատախազության կարգադրությամբ։ Քննության վարկածով՝ ձեռնարկությունը ղեկավարելու ընթացքում նա հաստատել է անհիմն նվիրատվություններ տարբեր մարզական կազմակերպությունների, դրանց թվում՝ ֆուտբոլային և բասկետբոլային փոքր ակումբների, ինչպես նաև ձիասպորտի ակումբի համար։
Գործողությունն իրականացնում են կոռուպցիայի դեմ պայքարի ստորաբաժանման աշխատակիցները։ RTS-ի տվյալներով՝ իրավապահ մարմինները ձերբակալել են նաև Բաստայի հետ ենթադրաբար կապ ունեցող մի քանի այլ անձանց և խուզարկություններ իրականացրել։
«Բելգրադյան էլեկտրակայանները» Սերբիայի մայրաքաղաքին պատկանող կոմունալ ձեռնարկություն է, որն ապահովում է քաղաքի կենտրոնացված ջեռուցման համակարգի աշխատանքը։
Բաստան Սերբիայի էկոնոմիկայի նախարարի պաշտոնը զբաղեցրել է 2022 թվականի հոկտեմբերից մինչև 2023 թվականը։ Նա պաշտոնից զրկվել է, երբ կառավարությանը կոչ է արել շտապ դիրքորոշում հայտնել Ուկրաինայում Ռուսաստանի գործողությունների կապակցությամբ նրա դեմ պատժամիջոցներ սահմանելու հարցում։ Հետագայում նա հիմնել է «Եվրոպական ուղի» շարժումը։
<!—>
Հասանելի է
[—>русский
Թեմա
ԿոռուպցիաՁերբակալությունՔաղաքականություն
Տեղադրություն
Աղբյուրը՝ NEWS.am
