Իրանի ԻՀՊԿ-ն հայտարարել է Հորմուզի նեղուցում երկու լցանավի՝ ականների վրա պայթելու մասին

CENTCOM09:32 | նոյեմբերի 8, 2026Իրանի ԻՀՊԿ-ն հայտարարել է Հորմուզի նեղուցում երկու լցանավի՝ ականների վրա պայթելու մասին
լսել հոդվածըԿիսվել նախընտրելի դարձնել

<!—>

]—>

Երկու լցանավ ականների վրա պայթել և հրդեհվել են՝ փորձելով Հորմուզի նեղուցի շրջանում անցնել չթույլատրված երթուղով։ Այս մասին հայտարարել են Իրանի Իսլամական հեղափոխության պահապանների կորպուսի (ԻՀՊԿ) ռազմածովային ուժերը, փոխանցում է Mehr-ը։

ԻՀՊԿ-ի տվյալներով, լցանավերից մեկը գտնվել է նեղուցից արևելք, մյուսը՝ անմիջապես նեղուցում։ Երկու նավերն էլ պայթյունից հետո հրդեհվել են։

ԻՀՊԿ-ի ռազմածովային ուժերի մամուլի ծառայության հայտարարության մեջ ասվում է, որ լցանավերը բազմիցս խախտել են սահմանված կանոնները և անջատել նավիգացիայի ու տեղորոշման համակարգերը՝ նախքան այն երթուղով անցնելու փորձը, որը Թեհրանը համարում է չթույլատրված։

Իրանցի զինվորականները նախազգուշացրել են, որ այն նավերը, որոնք համագործակցում են ամերիկացի զինվորականների հետ և խախտում Հորմուզի նեղուցով անցնելու՝ Իրանի սահմանած կանոնները, վտանգում են պայթել ականների վրա։

ԻՀՊԿ-ն նաև կոչ է արել անձնակազմերին չվստահել ԱՄՆ զինված ուժերի Կենտրոնական հրամանատարության (CENTCOM) հրամանատարի հայտարարություններին։

Հասանելի է

русский

Կազմակերպություն

CENTCOMԻսլամական հեղափոխության պահապանների կորպուս

Թեմա

ՊատահարներՆավագնացություն

Տեղադրություն

Հորմուզի նեղուց

Աղբյուրը՝ NEWS.am