Զիմբաբվեի նախկին նախագահ Մուգաբեի որդուն դատում են շքեղ ավտոմեքենաների առգրավման գործողության ժամանակ հարձակման գործով
Աֆրիկա20:48 | նոյեմբերի 5, 2026Զիմբաբվեի նախկին նախագահ Մուգաբեի որդուն դատում են շքեղ ավտոմեքենաների առգրավման գործողության ժամանակ հարձակման գործով
լսել հոդվածըԿիսվել
նախընտրելի դարձնել
<!—>]—>
Զիմբաբվեի նախկին նախագահ Ռոբերտ Մուգաբեի կրտսեր որդին՝ Բելարմայն Չատունգա Մուգաբեն, Հարարեում դատարանի առաջ է կանգնել հակակոռուպցիոն մարմնի աշխատակցի վրա հարձակվելու մեղադրանքով, հայտնում է Associated Press-ը։
Միջադեպը տեղի է ունեցել երկու շքեղ ավտոմեքենաների ենթադրյալ մաքսանենգությանն առնչվող գործողության ժամանակ։
29-ամյա Բելարմայնը հինգշաբթի դատարան է ներկայացել չորս տղամարդկանց հետ, որոնք երեքշաբթի նրա հետ միասին ձերբակալվել էին հյուրանոցային համալիրներից մեկում։ Ըստ ոստիկանության ներկայացուցիչ Փոլ Նյաթիի՝ բոլոր հինգին էլ հարձակման մեղադրանք է առաջադրվել։
Հակակոռուպցիոն հանձնաժողովի ներկայացուցիչը պետական լրատվամիջոցներին հայտնել է, որ գերատեսչության աշխատակիցները դեպքի վայր էին ժամանել՝ առգրավելու Lamborghini և Mercedes-Benz ավտոմեքենաները, որոնք, ենթադրաբար, ապօրինի էին գտնվում երկրում։ Գործողության ընթացքում պաշտոնյաներից մեկը հարձակման է ենթարկվել։
Ընդ որում, ավտոմեքենաներից ոչ մեկը պաշտոնապես չի կապվում Բելարմայն Մուգաբեի հետ։
Սա նախկին նախագահի կրտսեր որդու՝ օրենքի հետ կապված առաջին խնդիրը չէ։ Հոկտեմբերին նա արդեն դատարան էր ներկայացել թմրանյութ պահելու գործով, սակայն մեղադրանքները հետագայում հանվել էին, երբ կանեփ պահելու պատասխանատվությունը ստանձնել էր գործով մեկ այլ անցնող անձ։
Ապրիլին Բելարմայնին արտաքսել էին Հարավային Աֆրիկայից, երբ նա իրեն մեղավոր էր ճանաչել հրազենի նման առարկա ցուցադրելու և երկրում ապօրինի գտնվելու առնչությամբ մեղադրանքներով։ Դատարանը նրան պարտավորեցրել էր վճարել ընդհանուր առմամբ մոտ 36 հազար դոլարի տուգանք կամ երկու տարի անցկացնել բանտում։
Ռոբերտ Մուգաբեն Զիմբաբվեն ղեկավարել է 37 տարի։ Նա իշխանությունից հեռացվել է 2017 թվականին ռազմական հեղաշրջման հետևանքով։ Մահացել է 2019 թվականին՝ 95 տարեկան հասակում։
Հասանելի է
Տեղադրություն
Թեմա
Աղբյուրը՝ NEWS.am
