Գերմանական ռազմական բեռնատարների մասնակցությամբ վթարը Լեհաստանում 10 կիլոմետրանոց խցանում է առաջացրել

Գերմանիա20:56 | նոյեմբերի 4, 2026Գերմանական ռազմական բեռնատարների մասնակցությամբ վթարը Լեհաստանում 10 կիլոմետրանոց խցանում է առաջացրել
լսել հոդվածըԿիսվել նախընտրելի դարձնել

<!—>

]—>

Լեհաստանի Ստորին Սիլեզիայի վոյևոդությունում՝ Կոստոմլոտի ճանապարհային հանգույցի մոտակայքում գտնվող A4 ավտոմայրուղու վրա, գերմանական բանակի երեք բեռնատարների բախման հետևանքով երեք մարդ է տուժել։ Բոլոր տուժածները ռազմական մեքենաների վարորդներն են։

RMF 24-ի տվյալներով՝ բեռնատարները բախվել են դեռևս չպարզված պատճառով։ Երեք վարորդներն էլ գիտակից վիճակում են եղել և հետազոտության նպատակով տեղափոխվել են հիվանդանոց։

Հրշեջները ռադիոկայանին հայտնել են, որ գերմանացի զինվորականները, ի թիվս այլ բեռների, տեղափոխում էին 150 լիտր դիզելային վառելիք։ Բարեբախտաբար, վառելիքով տակառը չի վնասվել, և արտահոսք տեղի չի ունեցել։

Վթարը երթևեկության լուրջ դժվարություններ է առաջացրել։ Վրոցլավի ուղղությամբ ճանապարհահատվածում երթևեկությունն արդեն վերականգնվել է, սակայն առայժմ բաց է միայն մեկ գոտի։ Արդյունքում մոտ 10 կիլոմետր երկարությամբ խցանում է գոյացել։ Խցանումներ են առաջացել նաև հակառակ կողմում՝ Լեգնիցայի ուղղությամբ․ վարորդները դանդաղեցնում են ընթացքը՝ պատահարի վայրը դիտելու համար։

Վնասված բեռնատարների հեռացմամբ կզբաղվի Լեհաստանի ռազմական ժանդարմերիան։

<!—>

Հասանելի է

[—>русский

Տեղադրություն

ԳերմանիաԼեհաստան

Թեմա

ՌազմականՃՏՊԽցանում

Աղբյուրը՝ NEWS.am