Մոտ հազար բեռնատար սպասում է Վերին Լարսով՝ Հայաստանի համար հիմնական տարանցիկ երթուղիներից մեկով, անցնելուն
Հայաստան15:30 | նոյեմբերի 1, 2026Մոտ հազար բեռնատար սպասում է Վերին Լարսով՝ Հայաստանի համար հիմնական տարանցիկ երթուղիներից մեկով, անցնելուն
լսել հոդվածըԿիսվել
նախընտրելի դարձնել
<!—>]—>
Գրեթե հազար ծանր բեռնատար սպասում է Ռուսաստանից ռազմավիրական ճանապարհով՝ Ռուսաստանի հետ ընդհանուր սահման չունեցող Հայաստանի համար կարևորագույն տարանցիկ երթուղիներից մեկով, Վրաստան մեկնելուն։ Այս մասին իր Telegram-ալիքում հայտնել է Հյուսիսային Օսիայի ղեկավար Սերգեյ Մենյայլոն։
Նրա տվյալներով, անցման էլեկտրոնային հերթում 509 բեռնատար կա, ևս 436-ը սպասում է կայանատեղիներում։ Միաժամանակ ռազմավիրական ճանապարհը և Անդրկովկասյան ավտոմայրուղին բաց են երթևեկության համար։
Ռազմավիրական ճանապարհը Գլխավոր Կովկասյան լեռնաշղթայի վրայով կապում է Վլադիկավկազն ու Թբիլիսին։ «Վերին Լարս» անցակետը ռուս-վրացական սահմանին գործող միակ ավտոմոբիլային անցակետն է։
Հայաստանի համար այս երթուղին առանձնահատուկ նշանակություն ունի. Վրաստանի տարածքով իրականացվում են Հայաստանի և Ռուսաստանի միջև ավտոմոբիլային բեռնափոխադրումների զգալի ծավալներ, այդ թվում՝ բիզնեսի համար ապրանքների և արտադրանքի մատակարարումներ։
Հասանելի է
Տեղադրություն
Թեմա
Աղբյուրը՝ NEWS.am
