Ռուսաստանը բաց է Վրաստանի հետ դիվանագիտական հարաբերությունները վերականգնելու հնարավորության համար
Ռուսաստանը պատրաստ է քննարկել Վրաստանի հետ դիվանագիտական հարաբերությունների վերականգնման հնարավորությունը, սակայն ներկայում այդ հարցը օրակարգում չկա։
Այս մասին ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Դիվանագիտական շփումների վերականգնման նախաձեռնությունը պետք է գա Վրաստանից։ Ռուսաստանի և Վրաստանի միջև դիվանագիտական հարաբերությունների բացակայությունը երկրի նախկին նախագահ Միխեիլ Սաակաշվիլիի կառավարման ողբերգական ժառանգության մասն է»,- ասել է Զախարովան։
Աղբյուր՝ 24News.am
