Ռուսական զորքը վերահսկողություն է հաստատել Ռիբալսկոյե բնակավայրի նկատմամբ. ՌԴ ՊՆ
Ռուսաստանի պաշտպանության նախարարությունը շաբաթ օրը հայտարարել է, որ «Վոստոկ» զորքերի խումբը վերահսկողություն է հաստատել Զապորոժիեի մարզի Ռիբալսկոյե գյուղի նկատմամբ։
Նախարարության տվյալներով՝ օրվա ընթացքում խումբը հարվածներ է հասցրել Ուկրաինայի զինված ուժերի հինգ բրիգադի և երկու գնդերի վրա Դնեպրոպետրովսկի և Զապորոժիեի մարզերում։
«Թշնամին կորցրել է ավելի քան 315 զինծառայող, չորս զրահապատ մարտական մեքենա, ութ մեքենա և երկու էլեկտրոնային կայան», – ասվում է հայտարարության մեջ։
Աղբյուր՝ 24News.am
